महाराष्ट्र सरकारने राज्य पोलिस दलातील वरिष्ठ आयपीएस अधिकाऱ्यांच्या मोठ्या प्रमाणावर बदल्या केल्या असून शुक्रवारी यासंदर्भातील अधिकृत परिपत्रक जारी करण्यात आले. राज्यातील एकूण २४ वरिष्ठ आयपीएस अधिकाऱ्यांच्या बदल्यांमुळे प्रशासकीय वर्तुळात मोठी खळबळ उडाली आहे.
मुंबई, पुणे, नाशिकसह राज्यातील विविध महत्त्वाच्या विभागांमध्ये नव्या नियुक्त्या करण्यात आल्या आहेत. तेजस्वी सातपुते, प्रवीण पडवळ, रंजन शर्मा, लखमी गौतम आणि संजय दराडे यांसारख्या वरिष्ठ अधिकाऱ्यांच्या बदल्या विशेष चर्चेत आहेत.
पुणे शहराचे नवीन पोलीस सह आयुक्त म्हणून संजय दराडे यांची नियुक्ती करण्यात आली आहे, तर प्रवीण पडवळ यांच्याकडे नाशिक परिक्षेत्राच्या विशेष पोलीस महानिरीक्षकपदाची जबाबदारी सोपवण्यात आली आहे. भोंदूबाबा अशोक खरात प्रकरणाच्या चौकशीमुळे चर्चेत आलेल्या आयपीएस अधिकारी तेजस्वी सातपुते यांचीही पुण्यात बदली करण्यात आल्याची माहिती आहे.
महत्त्वाच्या बदल्या अशा
कृष्ण प्रकाश – अपर पोलीस महासंचालक (प्रशासन)
दत्ता कराळे – विशेष पोलीस महानिरीक्षक, राज्य मानवी हक्क आयोग
प्रवीण पडवळ – विशेष पोलीस महानिरीक्षक, नाशिक परिक्षेत्र
लखमी गौतम – विशेष पोलीस महानिरीक्षक, कायदा व सुव्यवस्था
मनोज शर्मा – सह आयुक्त, कायदा व सुव्यवस्था, मुंबई
सुवेज हक – सह आयुक्त (प्रशासन), मुंबई
महेश पाटील – विशेष पोलीस महानिरीक्षक (नियोजन व समन्वय)
परमजित दहिया – विशेष पोलीस महानिरीक्षक, दहशतवाद विरोधी पथक
सी. के. मीना – विशेष पोलीस महानिरीक्षक, कोकण विभाग
संजय दराडे – पोलीस सह आयुक्त, पुणे
रंजन शर्मा – विशेष पोलीस महानिरीक्षक, कोल्हापूर परिक्षेत्र
सुनिल फुलारी – विशेष पोलीस महानिरीक्षक, गुन्हे अन्वेषण विभाग (पूर्व)
राजेश प्रधान – पोलीस सह आयुक्त, आर्थिक गुन्हे, मुंबई
निशिथ मिश्रा – विशेष पोलीस महानिरीक्षक, प्रशिक्षण
जय कुमार – विशेष पोलीस महानिरीक्षक, फोर्स वन
संजय येनपुरे – विशेष पोलीस महानिरीक्षक, व्हीआयपी सुरक्षा
संजय जाधव – अपर पोलीस आयुक्त, ठाणे
दिपक साकोरे – अपर पोलीस आयुक्त, नवी मुंबई
पंजाबराव उगले – विशेष पोलीस महानिरीक्षक, पोलीस गृह निर्माण महामंडळ
एस. व्ही. पाठक – विशेष पोलीस महानिरीक्षक (आर्थिक गुन्हे), सीआयडी पुणे
विनायक देशमुख – नियंत्रक, वैधमापन
ज्योती प्रिया सिंग – विशेष पोलीस महानिरीक्षक, अंमली पदार्थ विरोधी पथक
अनिल कुंभारे – पोलीस सह आयुक्त (गुन्हे), मुंबई
सत्य नारायण – पोलीस सह आयुक्त (वाहतूक), मुंबई
Discussion about this post