हिंदुस्तान कॉपर लिमिटेडमध्ये या पदांसाठी भरती; भरघोस पगार मिळेल, पात्रता तपासून घ्या…

हिंदुस्तान कॉपर लिमिटेडमध्ये विविध विभागांतील फिक्स्ड टर्म एक्झिक्युटिव्ह (FTE) पदांसाठी भरती प्रक्रिया राबविण्यात येत आहे. या भरतीद्वारे एकूण ४३ पदे भरण्यात येणार असून, पात्र उमेदवारांकडून ऑनलाइन अर्ज मागविण्यात आले आहेत. या भरतीसाठी अर्ज करण्याची अंतिम मुदत ५ ऑक्टोबर २०२६ आहे.

या भरतीमध्ये अभियांत्रिकी, तंत्रज्ञान, भूगर्भशास्त्र, पर्यावरण, मानवी संसाधन (HR), वित्त, वैद्यकीय तसेच सर्वेक्षण आदी क्षेत्रांशी संबंधित पदांचा समावेश आहे. पदानुसार शैक्षणिक पात्रता आणि अनुभवाची अट वेगवेगळी आहे.

शैक्षणिक पात्रता

संबंधित पदासाठी आवश्यकतेनुसार उमेदवाराकडे अभियांत्रिकी, तंत्रज्ञान, भूगर्भशास्त्र, पर्यावरण, HR, वित्त, वैद्यकीय किंवा सर्वेक्षण क्षेत्रातील पदवी अथवा पदव्युत्तर पदवी असणे आवश्यक आहे. यामध्ये B.E./B.Tech, पदव्युत्तर पदवी/डिप्लोमा, MBBS, MBA, M.Tech, CA/ICMA आणि इतर संबंधित अर्हतांचा समावेश आहे.

तसेच, पदानुसार उमेदवारांना किमान ३ ते कमाल १८ वर्षांचा संबंधित कामाचा अनुभव आवश्यक आहे.

वयोमर्यादा

उमेदवाराचे वय १ सप्टेंबर २०२६ रोजी ३५ ते ५२ वर्षांच्या दरम्यान असणे आवश्यक आहे. पदानुसार वयोमर्यादा वेगवेगळी असू शकते.

अर्ज शुल्क

सामान्य, OBC आणि EWS प्रवर्गातील उमेदवारांसाठी ₹५०० अर्ज शुल्क आहे. तर SC/ST उमेदवारांना अर्ज शुल्कातून सूट देण्यात आली आहे.

अर्ज कसा कराल?

या भरतीसाठी उमेदवारांना ऑनलाइन पद्धतीने अर्ज करावा लागणार आहे. इच्छुक आणि पात्र उमेदवारांनी अर्ज करण्यापूर्वी अधिकृत जाहिरातीतील पदनिहाय शैक्षणिक पात्रता, अनुभव, वयोमर्यादा आणि इतर अटी काळजीपूर्वक तपासणे आवश्यक आहे.

अर्ज करण्याची अंतिम तारीख : ५ ऑक्टोबर २०२६

त्यामुळे पात्र उमेदवारांनी अंतिम मुदतीची वाट न पाहता आवश्यक कागदपत्रांसह ऑनलाइन अर्ज प्रक्रिया पूर्ण करावी.