बँकेत नोकरीची सुवर्णसंधी! बँक ऑफ इंडियामध्ये 205 पदांसाठी भरती; पात्रता तपासून घ्या

बँकिंग क्षेत्रात नोकरीच्या शोधात असलेल्या तरुणांसाठी महत्त्वाची संधी उपलब्ध झाली आहे. बँक ऑफ इंडियामध्ये विविध पदांच्या एकूण २०५ जागांसाठी भरती प्रक्रिया राबविण्यात येत आहे. या भरतीमध्ये चीफ मॅनेजर, सिनियर मॅनेजर, मॅनेजर आणि ऑफिसर या पदांचा समावेश आहे. पात्र उमेदवारांना ऑनलाइन पद्धतीने अर्ज करता येणार आहे.

कोणत्या पदांसाठी किती जागा?

या भरतीअंतर्गत चीफ मॅनेजरसाठी १०, सिनियर मॅनेजरसाठी ४९, मॅनेजरसाठी ११८ आणि ऑफिसरसाठी २८ जागा उपलब्ध आहेत. उमेदवारांची निवड संबंधित भरती प्रक्रियेनुसार केली जाणार आहे.

शैक्षणिक पात्रता काय?

या पदांसाठी उमेदवाराकडे B.E./B.Tech (Computer Science, IT, Electronics & Communication), MCA किंवा M.Sc. (Computer Science/IT) यापैकी संबंधित शैक्षणिक पात्रता असणे आवश्यक आहे.

पदाच्या स्तरानुसार अनुभवाची अटही वेगवेगळी आहे. चीफ मॅनेजर पदासाठी ७ ते ८ वर्षे, सिनियर मॅनेजरसाठी ५ वर्षे, मॅनेजरसाठी ३ वर्षे, तर ऑफिसर पदासाठी किमान १ वर्षाचा संबंधित अनुभव अपेक्षित आहे.

वयोमर्यादा किती?

उमेदवाराचे वय १ ऑगस्ट २०२६ रोजीच्या निकषानुसार ग्राह्य धरले जाणार आहे. पदानुसार वयोमर्यादा वेगवेगळी असून साधारणपणे २१ ते ४२ वर्षांपर्यंतची वयोमर्यादा लागू आहे. अनुसूचित जाती-जमातीच्या उमेदवारांना ५ वर्षे, तर इतर मागासवर्गीय उमेदवारांना ३ वर्षांची वयोमर्यादा सवलत आहे.

अर्ज शुल्क आणि नोकरीचे ठिकाण

या भरतीसाठी General, OBC आणि EWS प्रवर्गातील उमेदवारांना १,१८० रुपये, तर SC, ST आणि PwD प्रवर्गातील उमेदवारांना १७५ रुपये अर्ज शुल्क भरावे लागणार आहे. निवड झालेल्या उमेदवारांना संपूर्ण भारतात नोकरीची संधी मिळणार आहे.

५ ऑक्टोबरपर्यंत करता येणार अर्ज

या भरतीसाठी ऑनलाइन अर्ज करण्याची अंतिम तारीख ५ ऑक्टोबर २०२६ करण्यात आली आहे. त्यामुळे इच्छुक आणि पात्र उमेदवारांनी अंतिम तारखेपूर्वी अर्ज प्रक्रिया पूर्ण करणे आवश्यक आहे. भरती परीक्षेची तारीख नंतर जाहीर करण्यात येणार आहे.