तुम्ही जर १० वी उत्तीर्ण असाल, तुमच्याकडे क्रीडा क्षेत्रातील प्रमाणपत्र असेल आणि तुम्ही सरकारी नोकरीच्या शोधात असाल, तर तुमच्यासाठी एक अत्यंत मोठी संधी चालून आली आहे. केंद्र सरकारच्या सशस्त्र सीमा बल (SSB) ने क्रीडा कोट्याअंतर्गत २०२६ च्या ‘कॉन्स्टेबल’ (जनरल ड्यूटी) भरतीची अधिकृत अधिसूचना जारी केली आहे.या भरती प्रक्रियेद्वारे एकूण ४०४ पदांवर नियुक्ती केली जाणार असून, यासाठी देशभरातील पात्र पुरुष आणि महिला दोन्ही उमेदवार अर्ज करू शकतात.
महत्त्वाचे तपशील
पदाचे नाव: कॉन्स्टेबल (जनरल ड्यूटी – स्पोर्ट्स कोटा)
एकूण जागा: ४०४ पदे
शैक्षणिक पात्रता: मान्यताप्राप्त बोर्डातून १० वी उत्तीर्ण असणे आवश्यक.
नोकरीचे ठिकाण: संपूर्ण भारत (All India)
मासिक पगार: ₹२१,७००/- ते ₹६९,१००/- पर्यंत
क्रीडा पात्रता (खालीलपैकी एक निकष आवश्यक):
१. राष्ट्रीय स्पर्धांमध्ये राज्याचे किंवा आंतरराष्ट्रीय स्तरावर देशाचे प्रतिनिधित्व केलेले असावे.
२. वरिष्ठ (Senior) किंवा कनिष्ठ (Junior) राष्ट्रीय अजिंक्यपद स्पर्धांमध्ये पदक विजेते असावेत.
३. ‘खेलो इंडिया युथ गेम्स’ (१८ वर्षांवरील वयोगट), ‘विंटर गेम्स’ किंवा ‘पॅरा गेम्स’ मधील पदक विजेते.
४. ‘खेलो इंडिया युनिव्हर्सिटी गेम्स’ मधील पदक विजेते.
५. ‘स्कूल गेम्स फेडरेशन ऑफ इंडिया’ (SGFI) च्या स्पर्धांमधील पदक विजेते.
६. ‘आंतर-विद्यापीठ क्रीडा मंडळां’द्वारे आयोजित स्पर्धांमध्ये विद्यापीठाचे प्रतिनिधित्व केलेले असावे.
७. ‘अखिल भारतीय शालेय क्रीडा महासंघा’द्वारे आयोजित शालेय राष्ट्रीय स्पर्धांमध्ये राज्याचे प्रतिनिधित्व केलेले असावे.
वयाची अट आणि अर्ज शुल्क:
वयोमर्यादा (०९ जून २०२६ रोजी): १८ ते २३ वर्षे.
सूट: SC/ST उमेदवारांना १० वर्षे (५+५) आणि OBC उमेदवारांना ८ वर्षे (३+५) वयात सूट मिळेल.
अर्ज शुल्क: * जनरल, OBC आणि EWS उमेदवारांसाठी: ₹१००/- * SC, ST आणि सर्व महिला उमेदवारांसाठी: कोणतेही शुल्क नाही (मोफत).
अर्ज कसा आणि कधी करायचा?
इच्छुक आणि पात्र उमेदवारांना ऑनलाईन पद्धतीने अर्ज करावा लागेल.
अधिकृत वेबसाईट: www.ssb.gov.in
अर्ज करण्याची शेवटची तारीख: ०९ जून २०२६
Discussion about this post