मुंबई । राज्यात पुन्हा एकदा पावसाचे वातावरण निर्माण झाले असून, पुढील चार दिवस विविध जिल्ह्यांमध्ये मेघगर्जनेसह विजांच्या कडकडाटासह पावसाची शक्यता वर्तविण्यात आली आहे. मुंबई वेधशाळेने २२ ते २५ सप्टेंबरदरम्यानचा हवामान अंदाज जाहीर केला असून, या पार्श्वभूमीवर राज्यातील अनेक जिल्ह्यांना यलो अलर्ट देण्यात आला आहे.
२२ सप्टेंबरला या जिल्ह्यांना यलो अलर्ट
२२ सप्टेंबर रोजी नाशिक, अहिल्यानगर, ठाणे, रायगड, पुणे, सातारा, रत्नागिरी, सिंधुदुर्ग, कोल्हापूर, सांगली, सोलापूर, बीड, धाराशिव, लातूर, नांदेड, परभणी, हिंगोली, यवतमाळ, चंद्रपूर, वर्धा, नागपूर, गोंदिया, भंडारा आणि गडचिरोली जिल्ह्यांमध्ये मेघगर्जनेसह पावसाची शक्यता आहे. याशिवाय नाशिक, पुणे, सातारा आणि कोल्हापूर घाट परिसरातही अलर्ट देण्यात आला आहे.
२३ सप्टेंबरला पावसाचा जोर कायम
२३ सप्टेंबर रोजी नाशिक, अहिल्यानगर, रायगड, पुणे, सातारा, रत्नागिरी, सिंधुदुर्ग, कोल्हापूर, सांगली, सोलापूर, बीड, धाराशिव, लातूर, नांदेड, जालना, परभणी, वाशिम, बुलढाणा, अकोला, हिंगोली, अमरावती, यवतमाळ, चंद्रपूर, वर्धा, नागपूर, गोंदिया, भंडारा आणि गडचिरोली या जिल्ह्यांना यलो अलर्ट देण्यात आला आहे.
२४ आणि २५ सप्टेंबरला विदर्भात पावसाची शक्यता
२४ सप्टेंबर रोजी सातारा, सिंधुदुर्ग, कोल्हापूर, लातूर, नांदेड, जालना, परभणी, वाशिम, बुलढाणा, अकोला, हिंगोली, अमरावती, यवतमाळ, चंद्रपूर, वर्धा, नागपूर, गोंदिया, भंडारा आणि गडचिरोली या जिल्ह्यांमध्ये पावसाचा अंदाज आहे.
तर २५ सप्टेंबर रोजी वाशिम, बुलढाणा, अकोला, हिंगोली, अमरावती, यवतमाळ, चंद्रपूर, वर्धा, नागपूर, गोंदिया, भंडारा आणि गडचिरोली या जिल्ह्यांना यलो अलर्ट देण्यात आला आहे.
नागरिकांना सतर्क राहण्याचे आवाहन
यलो अलर्टच्या पार्श्वभूमीवर मेघगर्जना आणि विजांचा कडकडाट होत असताना नागरिकांनी आवश्यक खबरदारी घ्यावी, असे आवाहन प्रशासनाकडून करण्यात आले आहे. विशेषतः वीज चमकत असताना नागरिकांनी मोकळ्या परिसरात, झाडाखाली किंवा विजेच्या खांबाजवळ थांबणे टाळावे, असे आवाहन करण्यात आले आहे.
Discussion about this post