जळगाव । जळगाव जिल्हा मध्यवर्ती सहकारी बँक निवडणुकीच्या रिंगणात राजकीय घडामोडींना वेग आला असून, माघारीच्या मुदतीत मनव विकास सोसायटी मतदारसंघाचे चित्र स्पष्ट झाले आहे. या मतदारसंघातून भाजपचे उमेदवार प्रफुल्ल पवार यांनी आपले माघार अस्त्र उपसत अर्ज मागे घेतला आहे. परिणामी, राष्ट्रवादी काँग्रेस (अजित पवार गट) चे आमदार अनिल भाईदास पाटील यांच्या पत्नी जयश्री अनिल पाटील यांच्या बिनविरोध निवडीचा मार्ग सुकर झाला आहे.
जिल्हा बँक निवडणुकीसाठी महायुतीमध्ये बऱ्याच खलबतानंतर जागावाटपाचा फॉर्म्युला ठरला होता. महायुतीमधील या सुसंवादामुळे बंडखोरी टळली असून, त्याचा थेट फायदा आता मनव विकास सोसायटी मतदारसंघातील निवडणुकीत दिसून आला आहे. भाजपचे प्रफुल्ल पवार यांनी पक्षाच्या आणि युतीच्या भूमिकेला साजेसे पाऊल उचलत आपली माघार जाहीर केली.
राजकीय वर्तुळात चर्चांना उधाण
प्रफुल्ल पवार यांनी ऐन वेळी माघार घेतल्यामुळे जयश्री अनिल पाटील यांच्या विजयावर आता केवळ औपचारिक घोषणा बाकी राहिली आहे. या घडामोडीमुळे विरोधकांची रणनीती कोलमडली असून, महायुतीमधील समन्वयाचे राजकीय वर्तुळात जोरदार स्वागत होत आहे.















Discussion about this post