बँकिंग क्षेत्रात नोकरीच्या शोधात असलेल्या तरुणांसाठी मोठी संधी उपलब्ध झाली आहे. बँक ऑफ बडोदाने विविध पदांसाठी तब्बल 837 जागांची भरती जाहीर केली आहे. या भरतीसाठी पात्र उमेदवारांना ऑनलाइन अर्ज करता येणार असून अर्ज करण्याची अंतिम मुदत 24 नोव्हेंबर 2026 आहे.
या भरतीमध्ये ग्रुप हेड, हेड इन्व्हेस्टमेंट, टेरिटरी हेड, इन्व्हेस्टमेंट प्रॉडक्ट मॅनेजर आणि सिनियर रिलेशनशिप मॅनेजर या पदांचा समावेश आहे. यापैकी सर्वाधिक 791 जागा सिनियर रिलेशनशिप मॅनेजर (डेप्युटी मॅनेजर) पदासाठी आहेत.
पदनिहाय जागा
ग्रुप हेड: असिस्टंट व्हाइस प्रेसिडेंट II – 8 जागा
हेड इन्व्हेस्टमेंट: असिस्टंट व्हाइस प्रेसिडेंट II – 1 जागा
टेरिटरी हेड: असिस्टंट व्हाइस प्रेसिडेंट I – 35 जागा
इन्व्हेस्टमेंट प्रॉडक्ट मॅनेजर: असिस्टंट व्हाइस प्रेसिडेंट I – 2 जागा
सिनियर रिलेशनशिप मॅनेजर: डेप्युटी मॅनेजर – 791 जागा
शैक्षणिक पात्रता
या सर्व पदांसाठी उमेदवाराकडे कोणत्याही शाखेतील पदवी असणे आवश्यक आहे. मात्र, पदानुसार संबंधित क्षेत्रातील अनुभवाची अट आहे. ग्रुप हेड पदासाठी 12 वर्षे, हेड इन्व्हेस्टमेंटसाठी 10 वर्षे, टेरिटरी हेडसाठी 8 वर्षे, इन्व्हेस्टमेंट प्रॉडक्ट मॅनेजरसाठी 5 वर्षे, तर सिनियर रिलेशनशिप मॅनेजर पदासाठी 3 वर्षांचा अनुभव आवश्यक आहे.
काही पदांसाठी NISM तसेच IRDA IC38 यांसारखी संबंधित प्रमाणपत्रेही आवश्यक आहेत.
वयोमर्यादा
1 नोव्हेंबर 2026 रोजी पदानुसार वयोमर्यादा निश्चित करण्यात आली आहे. ग्रुप हेड आणि हेड इन्व्हेस्टमेंट पदासाठी 35 ते 50 वर्षे, टेरिटरी हेडसाठी 28 ते 42 वर्षे, इन्व्हेस्टमेंट प्रॉडक्ट मॅनेजरसाठी 26 ते 45 वर्षे आणि सिनियर रिलेशनशिप मॅनेजरसाठी 24 ते 35 वर्षे वयोमर्यादा आहे. SC/ST उमेदवारांना 5 वर्षे, तर OBC उमेदवारांना 3 वर्षांची वयोमर्यादा सवलत मिळेल.
अर्ज शुल्क
सामान्य, EWS आणि OBC प्रवर्गातील उमेदवारांसाठी 850 रुपये, तर SC, ST, दिव्यांग आणि महिला उमेदवारांसाठी 175 रुपये अर्ज शुल्क आहे.
नोकरीचे ठिकाण व अर्जाची अंतिम मुदत
निवड झालेल्या उमेदवारांना संपूर्ण भारतात नोकरीची संधी मिळणार आहे. पात्र उमेदवारांनी ऑनलाइन पद्धतीने अर्ज करावा. 24 नोव्हेंबर 2026 ही अर्ज करण्याची अंतिम तारीख आहे.















Discussion about this post