नवी दिल्ली: एमव्ही होडियन्स क्रूझ या लक्झरी जहाजावर ‘हंता व्हायरस’ या जीवघेण्या विषाणूचा भीषण उद्रेक झाला असून, या संसर्गामुळे जहाजावरील अनेक प्रवाशांचा मृत्यू झाला आहे. तर अनेक प्रवाशांना याची बाधा झाली असून त्यांच्यावर उपचार सुरू आहेत. या जहाजावरील क्रू मेंबर्समध्ये दोन भारतीय नागरिकांचाही समावेश असल्याने भारताची चिंता प्रचंड वाढली आहे. संभाव्य धोका ओळखून केंद्र सरकारने देशात तातडीने ‘हाय लेव्हल बायोसर्व्हिलान्स’ प्रणाली सक्रीय केली आहे.
दोन भारतीय संशयित नेदरलँड्समध्ये क्वारन्टाईन!
एमव्ही क्रूझवरील दोन्ही भारतीय नागरिकांना सध्या कडक आंतरराष्ट्रीय आरोग्य नियमांनुसार नेदरलँड्स येथे हलवण्यात आले असून तिथे त्यांना क्वारन्टाईन (विलगीकरणात) ठेवण्यात आले आहे. सद्यस्थितीत त्यांच्यामध्ये हंता व्हायरसची कोणतीही लक्षणे आढळलेली नाहीत. मात्र, अत्यंत सावधगिरी बाळगत पुढील ४५ दिवस त्यांच्या प्रकृतीवर चोवीस तास बारीक नजर ठेवली जाणार आहे.हंता व्हायरसची लागण झाल्याचे कोणतेही लक्षण अद्याप त्यांच्यात दिसून आलेले नाही. परंतु पुढचे 45 दिवस त्यांच्यावर नजर ठेवली जाणार आहे.
उंदरामुळे होते हंता व्हायरसची लागण
उँदरांच्या मल-मूत्राच्या संपर्कात आल्यानंतर हंता व्हायरसची लागण होते. एका माणसापासून दुसऱ्या माणसाला या व्हायरसची लागण होत नाही. परंतु या व्हायरसच्या अनेक प्रजाती आहे. यातीलच Andes strain हा स्ट्रेन खूप धोकादायक आहे. Andes strain या स्ट्रेनमुळे हंता व्हायरसची लागण एका माणसापासून दुसऱ्या माणसाला लागू शकते, अशी शक्यता व्यक्त केली जात आहे. त्यामुळेच जागतिक आरोग्य संघटनेने जगभरात सतर्क राहण्याचे आवाहन केले आहे. भारतातील आयसीएमआर संघटनाही अलर्ट मोडवर आहे.
भारताने नेमका काय निर्णय घेतला आहे?
भारतातील आयसीएमआरने हंता व्हायरसवर संशोधन करण्यास सुरुवात केली आहे. तसेच डायग्नॉस्टिक लॅब्सही चालू केल्या आहेत. पूर्ण देशात आयसीएमआरच्या एकूण 165 प्रयोगशाळा आहेत. या सर्व प्रयोगशाळा आता हंता व्हायरसवर अभ्यास करण्यासाठी सक्रिय करण्यात आल्या आहेत. या लॅबमध्ये हंता व्हायरसची लागण झाल्याचा संशय असणाऱ्या रुग्णांची तपासणी केली जाणार आहे. त्यामुळे आता भविष्यात काय होणार? हे पाहणे महत्त्वाचे ठरणार आहे.
Discussion about this post