१ जून २०२६ रोजी महिन्याच्या पहिल्याच दिवशी सर्वसामान्य आणि व्यावसायिक नागरिकांना महागाईचा मोठा झटका बसला आहे. तेल विपणन कंपन्यांनी व्यावसायिक (कमर्शिअल) गॅस सिलिंडरच्या किमतीत पुन्हा एकदा वाढ केली आहे. आजपासून १९ किलोच्या व्यावसायिक सिलिंडरच्या दरात ४२ रुपयांची वाढ झाली
आखाती देशात सुरू असलेल्या युद्धामुळे आंतरराष्ट्रीय बाजारात झालेल्या घडामोडींचा हा थेट परिणाम मानला जात आहे. दिलासादायक बाब म्हणजे, १४.२ किलोच्या घरगुती गॅस सिलिंडरचे दर मात्र स्थिर ठेवण्यात आले आहेत.
पाहूयात प्रमुख शहरातील गॅस सिलिंडरचे दर….
मुंबईत कमर्शिअल सिलिंडर ३,०२४ रुपयांवरून वाढून आता ३,०६७.५० रुपये झाला आहे.
राजधानी दिल्लीत हा सिलिंडर ३,०७१.५० रुपयांऐवजी आता ३,११३.५० रुपयांना मिळणार आहे.
अहमदाबादमध्ये कमर्शिअल सिलिंडर ३,१३५ रुपये झाला आहे.
बेंगळुरूत कमर्शिअल सिलिंडरसाठी आता ३,१९८ रुपये मोजावे लागतील.
चेन्नईत आधी ३,२३७ रुपये असलेला सिलिंडर आजपासून ३,२८३ रुपये झाला आहे.
लखनौमध्ये आजपासून नवीन दर ३,२३६ रुपये झाला आहे.
जयपूरमध्ये कमर्शिअल सिलिंडर ३,१५५ रुपयांना विकला जात आहे.
घरगुती गॅस ग्राहकांना मोठा दिलासा (१४.२ किलो)
देशभरात घरगुती एलपीजी सिलिंडरच्या दरात कोणताही बदल करण्यात आलेला नाही. दिल्ली आणि इतर शहरांमधील दर स्थिर आहेत. दिल्लीत हा सिलिंडर ९१३ रुपयांना मिळत आहे. अहमदाबादमध्ये घरगुती सिलिंडर ९२० रुपये आणि जयपूरमध्ये ९१६.५ रुपये आहे.
५ किलोचा छोटा घरगुती सिलिंडरच्या दरातही वाढ झाली आहे. याची किंमत ३३९ रुपये इतकी झाली आहे. १० किलोचा एक्स्ट्रालाइट सिलिंडर ६५२ रुपयांना उपलब्ध आहे. ५ किलोचा नॉन-डोमेस्टिक (व्यावसायिक) सिलिंडर गॅस भरून (रीफिल) ८२१.५० रुपयांना मिळेल. तर नवीन सिलिंडर घ्यायचा असल्यास १,७६५.५० ते १,७७९.५० रुपयांच्या दरम्यान मिळेल. २ किलोचा एफटीएल सिलिंडर नवीन सिलिंडर १,०६२.५० रुपयांना मिळेल, तर तो पुन्हा भरण्यासाठी (रीफिल) ३५४.५० रुपये लागतील.
कारखाने आणि मोठ्या उद्योगांसाठीचे सिलिंडरही महागले
मोठ्या उद्योगांमध्ये वापरले जाणारे सिलिंडर आज १०५ रुपयांनी महागला आहे. ४७.५ किलोचा सामान्य सिलिंडर १०५ रुपयांत वाढणार आहे. आता हा सिलिंडर ७,७७९.५० रुपयांना मिळणार आहे. ४७.५ किलोचा इंडेन एक्स्ट्रातेज सिलिंडरची किंमत ७,८३६ रुपये झाली आहे. ४२५ किलोचा मोठा सिलिंडरची किंमत ६९,६५१ रुपये निश्चित करण्यात आली आहे.
Discussion about this post