नोकरीच्या शोधात असलेल्या तरुणांसाठी महत्त्वाची संधी उपलब्ध झाली आहे. प्रगत संगणन विकास केंद्रात (C-DAC) विविध पदांच्या एकूण ९५१ जागांसाठी भरती प्रक्रिया राबविण्यात येत आहे. या भरतीअंतर्गत प्रोजेक्ट असोसिएट, प्रोजेक्ट टेक्निशियन, प्रोजेक्ट सपोर्ट स्टाफ, प्रोजेक्ट इंजिनिअर यांसह विविध पदे भरली जाणार आहेत. पात्र उमेदवारांना २६ ऑक्टोबर २०२६ पर्यंत ऑनलाइन पद्धतीने अर्ज करता येणार आहे.
कोणत्या पदांसाठी भरती?
या भरतीमध्ये प्रोजेक्ट असोसिएट, प्रोजेक्ट टेक्निशियन, प्रोजेक्ट सपोर्ट स्टाफ, प्रोजेक्ट इंजिनिअर आणि इतर पदांचा समावेश आहे. एकूण ९५१ रिक्त जागा भरल्या जाणार असून, नोकरीचे ठिकाण संपूर्ण भारतात असेल.
शैक्षणिक पात्रता काय?
पदांनुसार उमेदवारांकडे संबंधित क्षेत्रातील BE/B.Tech, ME/M.Tech, Ph.D., CA, LLM, CS, CMA किंवा MBA यांसारखी शैक्षणिक पात्रता असणे आवश्यक आहे. काही पदांसाठी संबंधित कामाचा अनुभवही आवश्यक असू शकतो. त्यामुळे अर्ज करण्यापूर्वी उमेदवारांनी संबंधित पदाच्या पात्रतेची अधिकृत जाहिरातीतून खात्री करून घ्यावी.
वयोमर्यादा आणि आरक्षण
२६ ऑक्टोबर २०२६ रोजी पदानुसार कमाल वयोमर्यादा ३०, ३५, ४०, ४५, ५० किंवा ५६ वर्षांपर्यंत निश्चित करण्यात आली आहे. अनुसूचित जाती आणि अनुसूचित जमातीच्या उमेदवारांना ५ वर्षे, तर इतर मागासवर्गीय (OBC) उमेदवारांना ३ वर्षांची वयोमर्यादा सवलत लागू असेल.
अर्ज शुल्क आणि निवड प्रक्रिया
या भरतीसाठी अर्ज शुल्क नाही. उमेदवारांना ऑनलाइन पद्धतीने अर्ज करावा लागेल. लेखी परीक्षा किंवा मुलाखतीची तारीख आणि पुढील निवड प्रक्रियेची माहिती नंतर कळविण्यात येणार आहे.
महत्त्वाची तारीख
ऑनलाइन अर्ज करण्याची अंतिम तारीख : २६ ऑक्टोबर २०२६
लेखी परीक्षा/मुलाखत : नंतर जाहीर केली जाईल.
इच्छुक आणि पात्र उमेदवारांनी अंतिम तारखेपूर्वी अर्ज करावा. पदनिहाय पात्रता, अनुभवाची अट, निवड प्रक्रिया आणि अर्जासंबंधी सविस्तर माहितीसाठी प्रगत संगणन विकास केंद्राची अधिकृत भरती जाहिरात तपासावी.
Discussion about this post