सरकारी नोकरीची तयारी करणाऱ्या उमेदवारांसाठी भारत संचार निगम लिमिटेड (BSNL) ने मोठी भरती जाहीर केली आहे. BSNL कडून ज्युनियर टेलिकॉम ऑफिसर (JTO) पदाच्या १०० रिक्त जागांसाठी ऑनलाइन अर्ज मागविण्यात आले आहेत. इच्छुक आणि पात्र उमेदवार ३ जुलै २०२६ पर्यंत अधिकृत संकेतस्थळावर जाऊन अर्ज करू शकतात.
पात्रता काय?
JTO पदासाठी अर्ज करणाऱ्या उमेदवारांकडे टेलिकम्युनिकेशन, इलेक्ट्रॉनिक्स, रेडिओ, कॉम्प्युटर, इलेक्ट्रिकल, इन्फॉर्मेशन टेक्नॉलॉजी (IT) किंवा इन्स्ट्रुमेंटेशन शाखेतील अभियांत्रिकी पदवी असणे आवश्यक आहे. तसेच एमएससी (इलेक्ट्रॉनिक्स) किंवा एमएससी (कॉम्प्युटर सायन्स) पदवीधारक उमेदवारही अर्जासाठी पात्र असतील.
वयोमर्यादेनुसार उमेदवाराचे किमान वय २० वर्षे आणि कमाल वय ३० वर्षे असावे. वयाची गणना अधिसूचनेतील नमूद केलेल्या तारखेनुसार केली जाणार आहे.
CBT परीक्षेद्वारे निवड
उमेदवारांची निवड संगणक आधारित परीक्षा (CBT) द्वारे केली जाईल. परीक्षेत आवश्यक गुण मिळविणाऱ्या उमेदवारांची अंतिम निवड करून त्यांना नियुक्ती दिली जाईल.
आकर्षक वेतन
निवड झालेल्या उमेदवारांना दरमहा ₹१६,४०० ते ₹४०,५०० इतके वेतन दिले जाणार असून, सरकारी सेवेसोबत इतर भत्ते आणि सुविधांचाही लाभ मिळणार आहे.
अर्ज शुल्क
सामान्य, ओबीसी आणि ईडब्ल्यूएस प्रवर्ग: ₹२,०००
एससी, एसटी आणि पीडब्ल्यूडी प्रवर्ग: ₹१,०००
अर्ज शुल्क ऑनलाइन माध्यमातून भरता येणार आहे.
ऑगस्टमध्ये होणार परीक्षा
या भरतीसाठी अर्ज करणाऱ्या उमेदवारांची CBT परीक्षा ऑगस्ट २०२६ (अपेक्षित) महिन्यात होण्याची शक्यता आहे. भरती प्रक्रियेबाबतची सविस्तर माहिती अधिकृत अधिसूचनेत उपलब्ध असून, उमेदवारांनी अर्ज करण्यापूर्वी ती काळजीपूर्वक वाचावी.
Discussion about this post