सरकारी नोकरीचे स्वप्न पाहणाऱ्या तरुणांसाठी खुशखबर असून भारतीय रिझर्व्ह बँक ऑफ इंडिया म्हणजेच आरबीआयने भरती जाहीर केली असून यासाठी पात्र उमेदवारांकडून अर्ज मागविले जात आहे. या भरतीसाठी अर्ज करण्यास इच्छुक असलेले उमेदवार बँकेच्या अधिकृत वेबसाइट opportunities.rbi.org.in वर जाऊन अर्ज करू शकतात. अर्ज करण्याची शेवटची तारीख 14 फेब्रुवारी सायंकाळी 4:40 वाजेपर्यंत आहे . ज्या उमेदवारांचे रिझर्व्ह बँकेत काम करण्याचे स्वप्न आहे त्यांच्यासाठी ही नोकरी मिळवण्याची एक उत्तम संधी असू शकते.
पात्रता काय आहे?
आरबीआयमध्ये वैद्यकीय सल्लागाराच्या या नोकरीसाठी, उमेदवारांकडे मेडिकल कौन्सिल ऑफ इंडियाने मान्यताप्राप्त विद्यापीठातून एमबीबीएस पदवी असणे आवश्यक आहे. जनरल मेडिसिनमध्ये पदव्युत्तर पदवी घेतलेले उमेदवार देखील या पदासाठी अर्ज करण्यास पात्र आहेत. याशिवाय, उमेदवारांना वैद्यकीय व्यवसायी म्हणून दोन वर्षांचा अनुभव असणे आवश्यक आहे. उमेदवार भरतीच्या अधिकृत अधिसूचनेमधून पात्रतेशी संबंधित तपशीलवार माहिती देखील तपासू शकतात.
पगार किती मिळणार?
वैद्यकीय सल्लागार पदासाठी उमेदवारांची निवड मुलाखत आणि कागदपत्र पडताळणी प्रक्रियेद्वारे केली जाईल. म्हणजेच या भरतीसाठी कोणतीही लेखी परीक्षा घेतली जाणार नाही. किमान पात्रता पूर्ण करणाऱ्या उमेदवारांना मुलाखतीसाठी बोलावले जाईल. रिझर्व्ह बँकेत ही भरती 3 वर्षांसाठी कंत्राटी पद्धतीने केली जात आहे. ज्यामध्ये निवडलेल्या उमेदवारांना 50,000 रुपयांपर्यंत पगार मिळेल
अर्ज कसा कराल?
आरबीआयच्या या रिक्त पदासाठी, उमेदवारांना अर्ज भरावा लागेल आणि तो विहित पत्त्यावर पाठवावा लागेल. अर्ज फॉर्मची लिंक अधिसूचनेतच आहे. फॉर्म पाठवण्याचा पत्ता “प्रादेशिक संचालक, मानव संसाधन व्यवस्थापन विभाग, भरती विभाग, रिझर्व्ह बँक ऑफ इंडिया, कोलकाता प्रादेशिक कार्यालय, 15, नेताजी सुभाष रोड, कोलकाता 700001.” हा आहे.
Discussion about this post