जबलपूर । जबलपूर रेल्वे स्टेशनवर एक आश्चर्यकारक घटना घडली जिने सर्वांना हैरान करून सोडले. एक तरुणाने ट्रेनच्या खालच्या भागातील ट्रॉलीमध्ये बसून तब्बल २५० किलोमीटरचा प्रवास केला. जबलपूर रेल्वे स्टेशनवर या तरुणाला पकडण्यात आल्यानंतर त्याने ही माहिती पोलिसांना दिली.सोशल मीडियावर या घटनेचा व्हिडीओ पाहायला मिळत आहे.
व्हिडीओमधील तरुण ट्रेनच्या खाली बसून प्रवास करत होता. २५० किमीपेक्षा जास्त अंतर त्याने धोकादायक स्थितीमध्ये पार केले होते. लांबच्या पल्ल्याच्या ट्रेनच्या बोगीखाली ट्रॉली असते. या ट्रॉलीमध्ये लपून बसून त्याने हा जीवघेणा प्रवास केला होता. दरम्यान लोकांसह रेल्वे कर्मचाऱ्यांनी त्या तरुणाला पाहिले आणि त्याला बाहेर काढले. हा व्हिडीओ तेव्हा रेकॉर्ड करण्यात आला.
जान जोखिम में डालक शख्स कर रहा था ट्रेन का सफर,युवक के खतरनाक और जानलेवा सफर का वीडियो आया सामने,बोगी के नीचे बनी ट्रॉली में छुपकर युवक ने तय किया 250 किलोमीटर का सफर,ट्रेन नं.12149,#railmin #wcr #jabalpur #AshwiniVaishnaw pic.twitter.com/pnoDgyFi0X
— Journalist Rajesh Vishwakarma (@rajeshjbp63101) December 26, 2024
मध्यप्रदेशमधील जबलपूर रेल्वे स्थानकावर 12149 पुणे दानापूर एक्स्प्रेस आली. एक्स्प्रेस गाडी स्थानकावर थांबल्यानंतर रेल्वे कर्मचारी रोलिंग आणि अंडर गियर यांची चाचणी करु लागले. चाचणी सुरु असताना कर्मचाऱ्यांना ट्रेनच्या खालच्या बाजूला असलेल्या ट्रॉलीमध्ये एक तरुण असल्याचे दिसले. त्यांनी तरुणांना बाहेर काढले आणि रेल्वे पोलिसांकडे सुपूर्द केले. त्याने इटारसी ते जबलपूर हा २५० किमी लांब प्रवास अशा परिस्थितीमध्ये केला होता. तरुणाला पोलिसांनी ताब्यात घेतले असून त्याच्यावर कारवाई केली जाणार असल्याची माहिती पश्चिम मध्य रेल्वे जबलपूरचे सीपीआर हर्षित श्रीवास्तव यांनी दिली.
Discussion about this post