नॅशनल थर्मल पॉवर कॉर्पोरेशनमध्ये भरती निघाली असून यासाठी पात्र उमेदवारांकडून ऑनलाईन पद्धतीने अर्ज मागविले जात आहे. सरकारी नोकरीचे स्वप्न पाहणाऱ्या तरुणांसाठी ही चांगली संधी आहे.
एनटीपीसीमध्ये ज्यूनियर एक्झिक्यूटिव्ही (बायोमास) पदासाठी भरती जाहीर करण्यात आली आहे. या नोकरीसाठी तुम्ही अधिकृत वेबसाइट ntpc.co.in या वेबसाइटवर जाऊन अर्ज करु शकतात. या नोकरीसाठी अर्जप्रक्रिया १४ ऑक्टोबरपासून सुरु होणार आहे. या नोकरीसाठी अर्ज करण्याची शेवटची तारीख २८ ऑक्टोबर २०२४ आहे.
एनटीपीसीमध्ये ५० रिक्त जागांवर ही भरत केली जाणार आहे. त्यामुळे इच्छुक उमेदवारांनी लवकरात लवकर अर्ज करावेत.या नोकरीसाठी अर्ज करण्याऱ्या उमेदवाराने मान्यताप्राप्त विद्यापीठातून अॅग्रीकल्चर सायन्समध्ये B.Sc पदवी प्राप्त केली असावी.
या नोकरीसाठी अर्ज करणाऱ्या उमेदवाराचे वय २७ वर्ष असणे गरजेचे आहे. त्याचसोबत राखीव प्रवर्गातील उमेदवारांना वयोमर्यादेत सूट देण्यात आली आहे.
या नोकरीसाठी अर्ज करताना सामान्य प्रवर्गातील उमेदवारांना ३०० रुपये अर्ज शुल्क भरावे लागणार आहे. तर राखीव प्रवर्गातील उमेदवारांना अर्जसाठी कोणतेही शुल्क द्यावे लागणार आहे. या नोकरीसाठी निवड झालेल्या उमेदवारांना ४०,००० रुपये पगार मिळणार आहे.
एनटीपीसीमधील या नोकरीसाठी उमेदवारांची निवड कॉम्प्युटर बेस्ड टेस्ट आणि मुलाखतीद्वारे केली जाणार आहे. या नोकरीसाठी इच्छुक उमेदवारांनी लवकरात लवकर अर्ज करावेत.
Discussion about this post