बिहार राज्यातील छपरामधून हृदयद्रावक घटना समोर आलीय. ज्यात छठ उत्सवादरम्यान बोट उलटल्याची घटना घडली आहे. मात्र या घटनेत १० पैंकी २ तरुणांचा पाण्यात बुडून मृत्यू झालेला आहे. सध्या या सर्व धक्कादायक घटनेचा व्हिडिओ समाज माध्यमांवर व्हायरल होत आहे.
व्हायरल होत असलेल्या व्हिडिओत तुम्हाला एका नदीतून एक बोट येताना दिसत आहे. ज्या बोटीमध्ये अनेक व्यक्ती दिसून येत आहेत. व्हिडिओत पाहिले तर किनाऱ्यावर सर्वजण परत येताना दिसत आहेत मात्र किनाऱ्याजवळ येण्याआधी बोटीमधील सर्वजण पाण्यात पडतात कारण बोटीमध्ये व्यक्ती क्षमतेपेक्षा जास्त झाल्याने सर्वजण पडतात.
ज्या क्षणी बोटमध्ये असलेले सर्वजण पाण्यात पडतात तात्काळ किनाऱ्याजवळ असलेला एक तरुण पाण्यात सर्वांना वाचवण्यासाठी धाव घेताना व्हिडिओत दिसत आहे. सर्व घटना तिथे असलेल्या एका व्यक्तीच्या मोबाईलमध्ये कैद झाली आहे. सध्या या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.
सध्या हा व्हिडिओ सोशल मीडिया प्लॅटफॉर्म इन्स्टाग्रामवरील ”@abpnewstv” या अकाउंटवर पोस्ट करण्यात आलेला आहे. शिवाय कॅप्शनमध्ये,”बिहारमधील छठ उत्सवादरम्यान शुक्रवारी छपरा भागातील तरैय्या पोलीस ठाण्याच्या पाचभिंडा येथे बोट उलटल्याने दोन तरुणांचा बुडून मृत्यू झाला. बोटीवर एकूण 10 मुले होती”असे लिहिण्यात आलेले आहे.
Discussion about this post