महाराष्ट्र लोकसेवा आयोग (MPSC) मार्फत घेण्यात येणाऱ्या महाराष्ट्र गट-क सेवा संयुक्त पूर्व परीक्षा-2026 ची तयारी करणाऱ्या उमेदवारांसाठी मोठी आनंदाची बातमी आहे. आयोगाने प्रसिद्ध केलेल्या शुद्धीपत्रकानुसार, महसूल व वन विभागातील ग्राम महसूल अधिकारी (तलाठी) या पदाच्या १,५३९ नव्या जागांचा समावेश करण्यात आला आहे.
या नव्या पदांमुळे गट-क परीक्षेअंतर्गत भरल्या जाणाऱ्या एकूण रिक्त पदांची संख्या ५,७०७ इतकी झाली आहे. त्यामुळे स्पर्धा परीक्षेची तयारी करणाऱ्या लाखो उमेदवारांना मोठा दिलासा मिळाला असून, वाढीव पदसंख्येच्या पार्श्वभूमीवर आयोगाने ऑनलाइन अर्ज करण्याची मुदतही वाढवली आहे. ऑनलाइन अर्जाची अंतिम मुदत: ५ ऑगस्ट २०२६ (रात्री ११.५९ वाजेपर्यंत) आहे
वयोमर्यादा ग्राह्य दिनांक: ५ ऑगस्ट २०२६
तलाठी पदासाठी पात्रता : कोणत्याही मान्यताप्राप्त विद्यापीठाची पदवी आवश्यक.
गट-क परीक्षेतील इतर पदे
लिपिक-टंकलेखक: १,१९४ पदे (नागरी पुरवठा, अन्न व ग्राहक संरक्षण, आदिवासी विकास तसेच महसूल व वन विभाग)
सहायक मत्स्यव्यवसाय विकास अधिकारी (तांत्रिक): २५४ पदे (B.F.Sc. पदवी आवश्यक)
वरिष्ठ अभिलेखपाल / वरिष्ठ लिपिक: ११ पदे
सहायक अधीक्षक: ११ पदे
तलाठी पदासाठी अर्ज कसा कराल?
एमपीएससीच्या अधिकृत संकेतस्थळावर लॉगिन करा.
स्वतःचे खाते तयार करून लॉगिन करा.
गट-क सेवा संयुक्त पूर्व परीक्षा-2026 जाहिरात निवडा.
पात्र असलेल्या सर्व पदांवर निवड करा.
आवश्यक माहिती भरून परीक्षा केंद्र निवडा.
अर्ज शुल्क भरून अर्ज अंतिम स्वरूपात सबमिट करा.
भविष्यातील वापरासाठी अर्जाची प्रिंट काढून ठेवा.
तलाठीच्या १,५३९ नव्या जागांचा समावेश झाल्यामुळे यंदाची गट-क भरती राज्यातील सर्वात मोठ्या भरतींपैकी एक ठरणार असून, स्पर्धा परीक्षेची तयारी करणाऱ्या उमेदवारांसाठी ही मोठी संधी मानली जात आहे.
Discussion about this post