नवी दिल्ली : नोकरीच्या शोधात असलेल्या उमेदवारांसाठी महत्त्वाची संधी आहे. Mineral Exploration Corporation Limited (MECL) मध्ये विविध पदांवर एकूण १२२ जागांसाठी भरती जाहीर करण्यात आली आहे. या भरतीसाठी पात्र उमेदवारांना ऑनलाइन पद्धतीने अर्ज करता येणार असून, अर्ज करण्याची अंतिम तारीख ११ ऑक्टोबर २०२६ आहे.
या भरतीमध्ये अकाउंटंट, टेक्निशियन, असिस्टंट, स्टेनोग्राफर, इलेक्ट्रिशियन, मशिनिस्ट, मेकॅनिक, मेकॅनिक कम ऑपरेटर, ज्युनियर ड्रायव्हर, IT आणि HR असिस्टंट यांसह विविध पदांचा समावेश आहे.
कोणत्या पदासाठी किती जागा?
अकाउंटंट – ६
टेक्निशियन (सर्व्हे) – १२
टेक्निशियन (सॅम्पलिंग) – ७
टेक्निशियन (लॅबोरेटरी) – २
असिस्टंट (मटेरियल्स) – १६
असिस्टंट (अकाउंट्स) – १०
स्टेनोग्राफर (इंग्रजी) – ४
असिस्टंट (हिंदी) – १
इलेक्ट्रिशियन – ७
मशिनिस्ट – २
टेक्निशियन (ड्रिलिंग) – १२
मेकॅनिक – १
मेकॅनिक कम ऑपरेटर (ड्रिलिंग) – ३०
ज्युनियर ड्रायव्हर – ६
असिस्टंट (IT) – ३
असिस्टंट (HR) – ३
शैक्षणिक पात्रता काय?
पदानुसार शैक्षणिक पात्रता वेगवेगळी आहे. काही पदांसाठी १०वी उत्तीर्ण व ITI, काही पदांसाठी B.Sc., B.Com किंवा अन्य पदवी, तर अकाउंटंट पदासाठी पदवीसोबत CA/ICWA आणि तीन वर्षांचा अनुभव आवश्यक आहे.
टेक्निकल पदांसाठी संबंधित ट्रेडमधील ITI किंवा डिप्लोमा, तर IT असिस्टंट पदासाठी BCA, BCS, B.Sc. Computer Science/IT यांसारखी पात्रता मागण्यात आली आहे. ड्रायव्हर पदासाठी १०वी उत्तीर्ण असण्यासोबत संबंधित वाहनचालक परवाना आणि अनुभव आवश्यक आहे.
वयोमर्यादा आणि अर्ज शुल्क
१ सप्टेंबर २०२६ रोजी उमेदवाराचे वय १८ ते ३० वर्षांच्या दरम्यान असणे आवश्यक आहे. SC/ST उमेदवारांना ५ वर्षे, तर OBC उमेदवारांना ३ वर्षांची वयोमर्यादा सवलत देण्यात आली आहे.
सामान्य, OBC आणि EWS प्रवर्गातील उमेदवारांसाठी अर्ज शुल्क ५०० रुपये आहे. SC, ST आणि Ex-Servicemen उमेदवारांना शुल्कातून सूट देण्यात आली आहे.
या भरतीसाठी ऑनलाइन अर्ज करावा लागणार आहे. अर्ज करण्याची प्रक्रिया १२ सप्टेंबर पासून सुरु होईल तर अर्ज करण्याची अंतिम तारीख ११ ऑक्टोबर २०२६ आहे. नोकरीचे ठिकाण संपूर्ण भारत असणार आहे. परीक्षेची तारीख नंतर जाहीर करण्यात येणार आहे. इच्छुक आणि पात्र उमेदवारांनी अर्ज करण्यापूर्वी पदनिहाय शैक्षणिक पात्रता, वयोमर्यादा आणि इतर अटी तपासूनच अर्ज करावा.
Discussion about this post