जळगाव । जळगाव जिल्हा पोलीस दलात प्रशासकीय स्तरावर मोठे फेरबदल करण्यात आले असून, जिल्ह्यातील १२ पोलीस अधिकाऱ्यांच्या बदल्या आणि नियुक्त्यांचे आदेश जारी करण्यात आले आहेत. जिल्हा पोलीस आस्थापना मंडळाने जनहित, प्रशासकीय गरज आणि कायदा-सुव्यवस्था अधिक प्रभावी करण्याच्या उद्देशाने हा निर्णय घेतला आहे.
महाराष्ट्र पोलीस अधिनियम १९५१ मधील कलम २२ अंतर्गत प्राप्त अधिकारांचा वापर करून या बदल्यांना मंजुरी देण्यात आली आहे. काही अधिकाऱ्यांचा नियमित कार्यकाळ पूर्ण झाल्याने त्यांची बदली करण्यात आली असून, काही अधिकाऱ्यांना त्यांच्या विनंतीनुसार सध्याच्या पदावर मुदतवाढ देण्यात आली आहे.
कोणाची कुठे बदली?
पोलीस निरीक्षक विशाल प्रभुलाल जयसवाल यांची रावेर पोलीस ठाण्यावरून शनिपेठ पोलीस ठाण्याचे प्रभारी म्हणून नियुक्ती.
पोलीस निरीक्षक मधुकर धांडोबा साळवे यांची जळगाव शहर पोलीस ठाण्यावरून रामानंदनगर पोलीस ठाण्याचे प्रभारी म्हणून बदली.
सहाय्यक पोलीस निरीक्षक एकनाथ मच्छिद्र भिसे यांना त्यांच्या विनंतीवरून एक वर्षाची मुदतवाढ.
पोलीस उपनिरीक्षक संतोष काशिनाथ पवार यांची वरणगावहून पाचोरा पोलीस ठाण्यात बदली.
पोलीस उपनिरीक्षक विकास दादाजी शिरोळे यांना मेहुणबारे पोलीस ठाण्यात एक वर्षाची मुदतवाढ.
पोलीस उपनिरीक्षक तुषार सुधाकर पाटील यांची रावेरहून मुक्ताईनगर पोलीस ठाण्यात रिक्त पदावर नियुक्ती.
पोलीस उपनिरीक्षक मैनोद्दीन हबीब सैय्यद यांची फैजपूरहून यावल पोलीस ठाण्यात बदली.
पोलीस उपनिरीक्षक कुणाल प्रमोद चव्हाण यांची चाळीसगाव ग्रामीणवरून चाळीसगाव शहर पोलीस ठाण्यात नियुक्ती.
भगवान काशिनाथ शिरसाठ यांची चाळीसगाव ग्रामीण पोलीस ठाण्यात नियुक्ती.
भरत हरिभाऊ दाते यांची चाळीसगाव शहर पोलीस ठाण्यात नियुक्ती.
पूजा संजीवनी अंधारे यांना भुसावळ तालुका पोलीस ठाण्यात एक वर्षाची मुदतवाढ.
प्रिया रमेश दातीर यांना शनिपेठ पोलीस ठाण्यात एक वर्षाची मुदतवाढ देण्यात आली आहे.
सर्व संबंधित अधिकाऱ्यांना बदलीच्या ठिकाणी तात्काळ हजर होऊन कार्यभार स्वीकारण्याचे निर्देश देण्यात आले आहेत. या फेरबदलांमुळे जिल्ह्यातील विविध पोलीस ठाण्यांच्या कामकाजात नव्या जबाबदाऱ्या निश्चित होणार असून, कायदा व सुव्यवस्था अधिक प्रभावी करण्यास मदत होईल, अशी अपेक्षा व्यक्त केली जात आहे.
Discussion about this post