केंद्रीय मुख्य निवडणूक आयुक्त ज्ञानेश कुमार यांच्याविरोधात विरोधी पक्षांच्या इंडिया आघाडीने आक्रमक भूमिका घेतली आहे. मतदार याद्यांच्या विशेष सखोल पुनरीक्षण (SIR) प्रक्रियेवरून आणि कोट्यवधी नागरिकांची नावे मतदार यादीतून वगळल्याच्या आरोपावरून दिल्लीतील रामलीला मैदानावर आज महारॅलीचे आयोजन करण्यात आले आहे. विशेष म्हणजे, या महारॅलीत काँग्रेस नेते राहुल गांधी मुख्य निवडणूक आयुक्तांविरोधात काही महत्त्वाचे खुलासे करणार असल्याचे संकेत मिळत असल्याने राजकीय वर्तुळात उत्सुकता निर्माण झाली आहे.
काँग्रेस अध्यक्ष मल्लिकार्जुन खरगे यांच्या निवासस्थानी नुकतीच विरोधकांची ‘प्रति संसद’ भरवण्यात आली होती. या बैठकीत मुख्य निवडणूक आयुक्त ज्ञानेश कुमार यांच्याविरोधात महाभियोग चालवण्याची शिफारस करण्यात आली. तसेच त्यांच्याविरोधात महाभियोगाचा सांकेतिक प्रस्तावही मंजूर करण्यात आला. यावेळी राहुल गांधी यांनी आक्रमक भाषण करत भाजपवर जोरदार टीका केली. ज्ञानेश कुमार यांना वाचवण्याचा प्रयत्न भाजपकडून होत असल्याचा आरोप त्यांनी केला. तसेच आजच्या महारॅलीत मोठा खुलासा करण्याचे संकेतही दिले.
भाजपकडून राहुल गांधींवर पलटवार
राहुल गांधी यांच्या आरोपांमुळे राजकीय वातावरण तापले असून भाजपनेही त्यांच्यावर जोरदार पलटवार केला आहे. भाजपचे प्रवक्ते संबित पात्रा यांनी ‘मॉक पार्लमेंट’ म्हणजेच प्रति संसद हा केवळ एक राजकीय देखावा असल्याची टीका केली. आगामी निवडणुकांमधील संभाव्य पराभव लक्षात घेऊन राहुल गांधी आणि काँग्रेस घटनात्मक संस्थांवर निराधार आरोप करत असल्याचा दावा त्यांनी केला. तसेच SIR प्रक्रियेबाबत काँग्रेस जनतेची दिशाभूल करत असल्याचा आरोपही पात्रा यांनी केला.
राहुल गांधी यांच्या नेतृत्वाखाली होणारी ही महारॅली सकाळी असून होऊन सायंकाळी ५ वाजेपर्यंत चालणार आहे. इंडिया आघाडीचे प्रमुख नेते सकाळी इंदिरा भवन येथून खुल्या बसमधून मिंटो रोडपर्यंत येणार असून, तेथून पायी रामलीला मैदानाकडे रवाना होतील.
या महारॅलीत पश्चिम बंगालच्या मुख्यमंत्री ममता बॅनर्जी, समाजवादी पक्षाचे प्रमुख अखिलेश यादव, तेजस्वी यादव यांच्यासह इंडिया आघाडीतील सुमारे २० घटक पक्षांचे प्रमुख नेते सहभागी होणार असल्याची माहिती आहे. सीजेपीसह अन्य काही संघटनांनीही या आंदोलनाला पाठिंबा दिला आहे.
दरम्यान, SIR प्रक्रिया, मतदार याद्यांमधील कथित त्रुटी आणि मुख्य निवडणूक आयुक्तांविरोधातील आरोप या मुद्द्यांवरून दिल्लीतील राजकीय वातावरण चांगलेच तापले आहे. आता रामलीला मैदानावरील महारॅलीत राहुल गांधी नेमके कोणते आरोप करतात आणि त्यांच्या संभाव्य खुलाशातून कोणते नवे राजकीय वादळ निर्माण होते, याक
Discussion about this post