१२ वीच्या विद्यार्थ्यांची धाकधूक वाढली! महाराष्ट्र बोर्डाचा निकाल ‘या’ दिवशी लागण्याची शक्यता?

पुणे: वर्षभर घेतलेली मेहनत आणि परीक्षेचा ताण यानंतर आता राज्यातील १४ लाखांहून अधिक विद्यार्थ्यांना वेध लागले आहेत ते निकालाचे. 12 वीच्या विद्यार्थ्यांची निकालीच उत्सुकता शिगेला पोहोचली असून निकाल कधी लागणार हे जाणून घेण्यास सर्वच विद्यार्थी अधीर झाले आहेत. याच 12 वीच्या विद्यार्थ्यांसाठी आता मोठी अपडेट समोर आली आहे.

महाराष्ट्र राज्य माध्यमिक व उच्च माध्यमिक शिक्षण मंडळाकडून घेण्यात आलेल्या १२ वीच्या (HSC) परीक्षेचा निकाल आता अंतिम टप्प्यात असून, मे महिन्याच्या पहिल्या किंवा दुसऱ्या आठवड्यात तो जाहीर होण्याची दाट शक्यता आहे.

विशेष म्हणजे, बोर्डाने निकालाची तयारी पूर्ण केली असून अधिकृत वेबसाइटवर निकाल तपासण्यासाठीची लिंक सक्रिय (Active) केली आहे. यामुळे येत्या एक-दोन दिवसांत बोर्ड अधिकृत तारीख आणि वेळेची घोषणा करू शकते. निकाल जाहीर झाल्यानंतर विद्यार्थ्यांना तो दुपारी १ वाजल्यापासून ऑनलाईन पाहता येईल.

यंदा विद्यार्थी दोन माध्यमांद्वारे आपला निकाल तपासू शकतील : पहिलं म्हणजे मंडळाची अधिकृत वेबसाइट आणि दुसरा पर्याय म्हणजे, डिजीलॉकर. हा निकाल चेक करण्यासाठी विद्यार्थ्यांना आपला रोल नंबर आणि आवश्यक लॉगिन तपशील वापरावा लागेल. डिजीलॉकरवरून डिजिटल गुणपत्रिका देखील डाउनलोड करता येतील, ज्या भविष्यात वापरण्यासाठी वैध ठरतील.

असा चेक करा तुमचा रिझल्ट

– HSC रिझल्ट लिंकवर क्लिक करा.

– तुमचा रोल नंबर आणि इतर माहिती भरा.

– ते सबमिट केल्यानंतर तुमचा निकाल स्क्रीनवर दिसेल.

– तुमची मार्कशीट डाऊनलोड करा

– निकाल चेक करण्यापूर्वी विद्यार्थ्यांना सल्ला दिला जातो की त्यांनी आपलं प्रवेशपत्र तयार ठेवावं आणि अधिकृत वेबसाइट नियमितपणे तपासावी, कारण निकाल कोणत्याही क्षणी जाहीर होऊ शकतो.

या वेबसाईट्सवर पाहता येईल निकाल

12 वीचे विद्यार्थी हे खाली दिलेल्या वेबसाईट्सवर निकाल तपासू शकतील.

1) mahresult.nic.in

2) hscresult.mkcl.org

3) results.digilocker.gov.in

4) mahahsscboard.in