हिंदुस्तान एअरोनॉटिक्समध्ये नोकरीची सुवर्णसंधी; पगार १ लाख ६० हजार; पात्रता काय?

हिंदुस्तान एयरोनॉटिक्स लिमिटेडमध्ये विविध पदांसाठी भरती सुरु आहे. याबाबत अधिसूचना अधिकृत वेबसाइटवर देण्यात आली आहे. या नोकरीसाठी तुम्ही ऑनलाइन पद्धतीने अर्ज करु शकतात. या नोकरीसाठी अर्ज करण्याची शेवटची तारीख २१ डिसेंबर २०२४ आहे.

मेडिकल ऑफिसर पदासाठी ही भरती जाहीर करण्यात आली आहे. या नोकरीसाठी अर्ज करणाऱ्या उमेदवाराकडे एमबीबीएस पदवी प्राप्त केलेली असावी.तसेच MS/DNB/DLO संबंधित विषयात ईएनटी/ मेडिसिन/ ऑर्थो/ जनरल ड्युटीमध्ये पीजी डिप्लोमा सर्टिफिकेट प्राप्त केलेले असावे.

एचएएल ग्रेड २ ऑफिसर पदासाठी अर्ज करणाऱ्या उमेदवाराची कमाल वयोमर्यदा ३० वर्ष असावी. तर ग्रेड ३ ऑफिसर पदासाठी अर्ज करणाऱ्या उमेदवाराची वयोमर्यादा ३५ वर्ष असावी. या नोकरीसाठी निवड झाल्यास ग्रेड ३ पदासाठी उमेदवारांना ५०००० ते १६०००० रुपये पगार मिळणार आहे. तर ग्रेड २ पदासाठी उमेदवारांना ४०००० ते १४०००० रुपये पगार दिला जाणार आहे. या नोकरीसाठी तुम्हाला कोणतीही परीक्षा द्यावी लागणार नाही. उमेदवारांची निवड मुलाखतीद्वारे केली जाणार आहे.