पदवी पास तरुणांसाठी खुशखबर! सरकारी बँकेत ४०० पदांसाठी भरती

जर तुमच्याकडे कामाचा अनुभव नसेल आणि नोकरी करायची असेल तर ही उत्तम संधी तुमच्यासाठी आहे. बँक ऑफ इंडियाने नवी भरती जाहीर केली आहे. अप्रेंटिस पदासाठी ही भरती जाहीर करण्यात आली असून या नोकरीसाठी निवड झाल्यावर तुम्हाला प्रॅक्टिकली काम करण्याचा अनुभव मिळेल. याचसोबत तुम्हाला पगारदेखील दिला जाणार आहे. त्यामुळे करिअरची सुरुवात करण्याची ही उत्तम संधी आहे.

बँक ऑफ इंडियामध्ये ४०० पदांसाठी भरती जाहीर करण्यात आली आहे. २० ते २८ वयोगटातील उमेदवार या नोकरीसाठी अर्ज करु शकतात. या नोकरीसाठी इच्छुकांनी bankofindia.bank.in वर जाऊन अर्ज करायचा आहे. या नोकरीसाठी अर्ज करण्याची शेवटची तारीख १० जानेवारी २०२६ आहे.

अप्रेंटिस पदासाठी निवड झाल्यावर तुम्हाला १३००० रुपये पगार मिळणार आहे. या नोकरीसाठी तुमची निवड लेखी परीक्षा आणि लोकल लँग्वेज टेस्टद्वारे होणार आहे. त्यामुळे इच्छुकांनी लवकरात लवकर अर्ज करावेत.

शैक्षणिक पात्रता
बँक ऑफ बडोदामधील या नोकरीसाठी अर्ज करणाऱ्या उमेदवारांनी मान्यताप्राप्त विद्यापीठातून ग्रॅज्युएट असणे गरजेचे आहे. डिग्रीचे शिक्षण घेतल्यानंतर तुम्ही या नोकरीसाठी अर्ज करु शकतात.

अशा प्रकारे स्टायपेंड दिला जाईल..
निवडलेल्या प्रशिक्षणार्थींना एका वर्षासाठी दरमहा ₹१३,००० स्टायपेंड मिळेल. यामध्ये बँकेचा हिस्सा आणि भारत सरकारकडून मिळणारा पाठिंबा समाविष्ट आहे, जो डायरेक्ट बेनिफिट ट्रान्सफरद्वारे हस्तांतरित केला जाईल.

अर्ज कसा करावा?
या नोकरीसाठी अर्ज करताना सर्वात आधी NATS पोर्टलवर जा.
यानंतर तुम्हाला तिथे स्टुडंट रजिस्टर किंवा लॉग इन असा ऑप्शन दिसेल. त्यावर क्लिक करा.
यानंतर तुम्हाला संबंधित बँकेत अप्रेंटिस पदावर क्लिक करुन संपूर्ण फॉर्म भरा.
यानंतर शैक्षणिक माहिती, फोटो आणि सही अपलोड करुन फॉर्म सबमिट करा.