देशाचे सरन्यायाधीश सूर्यकांत यांनी देशातील तरुणाईची तुलना थेट ‘झुरळांशी’ केल्याने संपूर्ण देशात संतापाचा उद्रेक झाला आहे. सरन्यायाधीशांनी दुसऱ्याच दिवशी “आपण असे बोललोच नाही” असा स्पष्टीकरणाचा पवित्रा घेतला असला, तरी तरुणांच्या मनातील राग शांत झालेला नाही. या विधानाचा अनोख्या पद्धतीने निषेध करण्यासाठी सुरू झालेल्या ‘कॉकरोच जनता पार्टी’ने (CJP) आता सोशल मीडियावर अक्षरशः धुमाकूळ घातला असून अवघ्या पाच दिवसांत कोट्यवधी फॉलोअर्सचा टप्पा पार केला आहे.
विशेष अभिमानाची बाब म्हणजे, देशभरात वादळ निर्माण करणाऱ्या या डिजिटल पक्षाची स्थापना एका मराठी तरुणानेच केली आहे. इन्स्टाग्रामवर 10.5 मिलियन आणि ट्विटरवर जवळपास 1,60,000 पर्यंत या पार्टीच्या फॉलोवर्सची संख्या पोहोचली. या पार्टीने चांगला धुमाकूळ घातल्याचे बघायला मिळत आहे. अत्यंत वेगाने या पार्टीला प्रतिसाद मिळताना दिसत आहे. काही दिवसात ही पार्टी धमाकेदार कामगिरी करू शकते, असे दिसत आहे.
कॉकरोच जनता पार्टीची स्थापना महाराष्ट्रातील मूळचे छत्रपती संभाजीनगरचे रहिवासी असणारे आणि सध्या अमेरिकेतील बोस्टन येथे उच्च शिक्षण घेणारे ३० वर्षीय अभिजीत दीपके यांनी केली. धर्मनिरपेक्ष, समाजवादी, लोकशाहीवादी, आळशी हे त्याचे घोषवाक्य आहे. या पक्षाने केवळ एका दिवसात 40 लाखांहून लोकांना आपल्यासोबत सोडले. इन्स्टाग्रामवर भाजपचे 87 लाख फॉलोअर्स आहेत आणि काँग्रेसचे 1.33 कोटी फॉलोअर्स आहेत. या रेसमध्ये आता कॉकरोच जनता पार्टी वेगाने पुढे जात आहे.
यापूर्वी ‘आम आदमी पार्टी’चे (AAP) सोशल मीडिया हँडल सांभाळण्याचा अनुभव असलेल्या अभिजीत यांनी बोस्टनमध्ये बसूनच ‘कॉकरोच जनता पार्टी’ नावाने वेबसाईट आणि सोशल मीडिया खाती सुरू केली. बघता बघता देशातील लाखो तरुण या डिजिटल बंडात सामील झाले. भारतासारख्या जगातील सर्वात तरुण देशात जर तरुणांच्याच बेरोजगारीची आणि परिस्थितीची थट्टा उडवली, तर काय घडू शकते याचे ‘कॉकरोच जनता पार्टी’ हे जिवंत उदाहरण बनले आहे. ही केवळ एक डिजिटल मोहीम नसून, देशातील सुशिक्षित बेरोजगार तरुणांच्या असंतोषाचा हा एक मोठा हुंकार मानला जात आहे.
Discussion about this post