मुंबई । कर चुकवल्याप्रकरणी भाजप नेत्या पंकजा मुंडे यांच्या परळी येथील वैद्यनाथ सहकारी कारखान्याची १९ कोटी रुपयांची मालमत्ता जप्त केली. या कारवाईमुळे पंकजा मुंडे समर्थक आक्रमक झाले असून त्यांनी पंकजा मुंडे यांना जीएसटीचे पैसे भरण्यासाठी मदत म्हणून लाखो रुपयांची मदत देण्याची मोहिम सुरू केली आहे.
अगदी एक लाख रुपयांपासून ५० लाख रुपयांपर्यंत मदतीचे धनादेश गोपीनाथ मुंडे प्रतिष्ठानच्या नावाने लिहून तयार आहेत. ही रक्कम दसरा मेळाव्यात पंकजा मुंडेंकडे सुपुर्द करण्यात येणार आहे.
एकीकडे राज्यातील विविध कारखान्यांना केंद्रीय सहकार विभागाने मदत केली असताना दुसरीकडे वैद्यनाथ सहकारी साखर कारखाना मात्र मदतीच्या यादीतून टाळलं आहे. याच मुद्द्यावर मुंडे समर्थकांनी सोशल मीडियातून चीड आणि संताप व्यक्त केलाय. त्यामुळे सध्या मुंडे समर्थकांचा रोष राज्यातील भाजप आणि केंद्रातील मोदी सरकारवर आहे. फक्त १९ कोटींसाठी आमचे दैवत मुंडे साहेबांचा आत्मा वैद्यनाथ कारखाना बदनाम करत असाल, तर आम्ही मुंडे भक्त लोकवर्गणीतून ती रक्कम तुमच्या थोबाडावर फेकून मारू, असा इशाराही त्यांनी सरकारला दिला आहे.
पंकजा मुंडे यांना कुणीकुणी केली मदत?
शालिनी कराड – 50 लाख रुपये
युनूस चांद शेख -11लाख रुपये
संदिपान ठोंबरे- 5 लाख
भारत तोंडे -1 लाख रुपये
रामदास बडे-5 लाख रुपये
राजेंद्र दगडकर अंजली दगडकर -अकरा लाख अकरा हजार एकशे अकरा..
Discussion about this post