मुंबई । ऑक्टोबरच्या पहिल्याच दिवशी महागाईचा झटका बसला आहे. ऑइल मार्केटिंग कंपन्यांनी (OMC) आज रविवारपासून व्यावसायिक एलपीजी सिलिंडरच्या किमती 209 रुपयांनी वाढवल्या आहेत. हे दर आजपासून लागू झाले आहेत. यामुळे 19 किलोचा व्यावसायिक एलपीजी सिलिंडर आता 1,731.50 रुपयांना मिळणार आहे.
सिलिंडरची किंमत किती?
ओएमसीने 1 सप्टेंबरपासून व्यावसायिक एलपीजी सिलिंडरच्या किमती 158 रुपयांनी कमी केल्यानंतर अवघ्या एका महिन्यात हा निर्णय घेण्यात आला आहे. व्यावसायिक सिलिंडरची किंमत 1,522 रुपयांवरून 1,731.50 रुपये झाली आहे. केंद्र सरकारने ऑगस्टमध्ये देशभरातील सर्व कनेक्शनधारकांसाठी घरगुती एलपीजी सिलिंडरच्या किमती 200 रुपयांनी कमी केल्याच्या अवघ्या एका महिन्यानंतर व्यावसायिक एलपीजी सिलिंडरच्या किमतीत नवीनतम वाढ झाली आहे.
घरगुती सिलेंडरची किंमत किती आहे?
व्यावसायिक आणि घरगुती दोन्ही एलपीजी सिलिंडरची किंमत दर महिन्याच्या पहिल्या दिवशी सुधारित केली जाते. याआधी ऑगस्टमध्येही ऑइल मार्केटिंग कंपनीने व्यावसायिक एलपीजी सिलिंडरच्या किमती 99.75 रुपयांनी कमी केल्या होत्या. त्याचबरोबर जयपूरमध्येही व्यावसायिक सिलिंडर महाग झाले आहेत. मात्र, घरगुती एलपीजी सिलिंडरच्या दरात कोणतीही वाढ झालेली नाही. त्याचबरोबर व्यावसायिक एलपीजी सिलिंडर २०२ रुपयांनी महागला आहे. आता 1552 रुपयांऐवजी 1754 रुपयांना मिळणार आहे. तथापि, घरगुती एलपीजी सिलिंडरची किंमत 906 रुपये राहील. नवीन दर आजपासून लागू झाले आहेत.
या आधी किंमत कधी बदलली?
उल्लेखनीय आहे की, यापूर्वी 30 ऑगस्ट रोजी केंद्र सरकारने जनतेला महागाईपासून दिलासा दिला होता. यासाठी घरांमध्ये वापरल्या जाणाऱ्या एलपीजी गॅस सिलिंडरची किंमत २०० रुपयांनी कमी करण्यात आली आहे. या निर्णयानंतर दिल्लीत 14.2 किलो एलपीजी सिलिंडरची किंमत 903 रुपये झाली, जी आधी 1,103 रुपये होती.
Discussion about this post