जळगाव : गोहिल्स जे.के. कराओके प्रस्तुत व स्व. किशोरदा व स्व. किरणभाऊ यांना समर्पित ‘गुड-ए-किशोर’ या विशेष संगीत कार्यक्रमाचे आयोजन शनिवार, दि. ३ ऑक्टोबर २०२६ रोजी करण्यात आले आहे. सायंकाळी ६.३० वाजता मायादेवी नगर, महाबळ रोड येथील रोटरी भवन येथे हा कार्यक्रम होणार आहे.
किशोरकुमार यांच्या अजरामर गीतांना संगीतप्रेमींसमोर सादर करण्यासाठी या कार्यक्रमाचे आयोजन करण्यात आले आहे. जितेंद्र पोहिल ‘व्हॉइस ऑफ किशोर’ यांच्यासह चंद्रशेखर चोपडेकर, जयश्री चिंचोले, रशीद सालार, लक्ष्मी नाटेकर, कैलास खैरनार, जागृती चौधरी, भालचंद्र सामुद्रे हे कलाकार आपल्या गायनातून किशोरकुमार यांच्या लोकप्रिय गीतांना उजाळा देणार आहेत. कार्यक्रमाचे सूत्रसंचालन सैय्यद रशीद करणार आहेत.
किशोरकुमार यांच्या सदाबहार गीतांचा आनंद रसिकांना घेता यावा तसेच स्व. किशोरदा आणि स्व. किरणभाऊ यांच्या स्मृतींना संगीताच्या माध्यमातून अभिवादन करता यावे, हा कार्यक्रमाचा उद्देश आहे. कार्यक्रमास प्रवेश नि:शुल्क असून जळगावकर संगीतप्रेमींनी मोठ्या संख्येने उपस्थित राहून या स्वरमैफलीचा आनंद घ्यावा, असे आयोजकांनी आवाहन केले आहे.
Discussion about this post