UPSC मार्फत विविध विभागांमध्ये 212 पदांसाठी भरती ; पात्रता काय?

केंद्रीय लोकसेवा आयोग अर्थात UPSC मार्फत विविध विभागांमध्ये तब्बल 212 पदांसाठी भरती प्रक्रिया राबविण्यात येत आहे. यामध्ये असिस्टंट प्रोफेसर, असिस्टंट एडिटर, स्पेशालिस्ट ग्रेड II आणि असिस्टंट पब्लिक प्रॉसिक्यूटर यांसह विविध पदांचा समावेश आहे. पात्र उमेदवारांना या भरतीसाठी 2 ऑक्टोबर 2026 रोजी सायंकाळी 6 वाजेपर्यंत ऑनलाइन अर्ज करता येणार आहे.

या भरतीमध्ये सर्वाधिक 140 जागा असिस्टंट पब्लिक प्रॉसिक्यूटर (दिल्ली) पदासाठी आहेत. त्यापाठोपाठ स्पेशालिस्ट ग्रेड III असिस्टंट प्रोफेसर (जनरल मेडिसिन) पदाच्या 60 जागा आहेत. तसेच स्पेशालिस्ट ग्रेड III असिस्टंट प्रोफेसर (अ‍ॅनाटॉमी) 4, असिस्टंट एडिटर 2, स्पेशालिस्ट ग्रेड II (अ‍ॅनेस्थेसिऑलॉजी) 1, स्पेशालिस्ट ग्रेड II (पेडियाट्रिक्स) 1 आणि पब्लिक लॉ ऑफिसर/डिस्ट्रिक्ट लिटिगेशन ऑफिसर/लॉ ऑफिसर (UT ऑफ लडाख) पदाच्या 4 जागा आहेत.

कोणत्या पदासाठी किती जागा?
स्पेशालिस्ट ग्रेड III असिस्टंट प्रोफेसर (अ‍ॅनाटॉमी) – 4 जागा
स्पेशालिस्ट ग्रेड III असिस्टंट प्रोफेसर (जनरल मेडिसिन) – 60 जागा
असिस्टंट एडिटर (इंडियन ब्युरो ऑफ माइन्स) – 2 जागा
स्पेशालिस्ट ग्रेड II (ज्युनियर स्केल) – अ‍ॅनेस्थेसिऑलॉजी – 1 जागा
स्पेशालिस्ट ग्रेड II (ज्युनियर स्केल) – पेडियाट्रिक्स – 1 जागा
असिस्टंट पब्लिक प्रॉसिक्यूटर (दिल्ली) – 140 जागा
पब्लिक लॉ ऑफिसर/डिस्ट्रिक्ट लिटिगेशन ऑफिसर/लॉ ऑफिसर (UT ऑफ लडाख) – 4 जागा

शैक्षणिक पात्रता

अ‍ॅनाटॉमीच्या असिस्टंट प्रोफेसर पदासाठी MD/MS/DNB/M.Sc + Ph.D/D.Sc (Anatomy) आणि 3 वर्षांचा अनुभव आवश्यक आहे. जनरल मेडिसिन पदासाठी MBBSसह MD/DNB (Medicine/General Medicine) आणि 3 वर्षांचा अनुभव आवश्यक आहे.

असिस्टंट एडिटर पदासाठी पत्रकारिता किंवा जनसंवाद विषयातील पदवी अथवा अर्थशास्त्र, सांख्यिकी किंवा इंग्रजी विषयासह पदवी आणि पत्रकारिता/जनसंवादातील किमान एक वर्षाचा डिप्लोमा तसेच 3 वर्षांचा अनुभव आवश्यक आहे.

अ‍ॅनेस्थेसिऑलॉजी आणि पेडियाट्रिक्सच्या पदांसाठी संबंधित वैद्यकीय पदवी व पदव्युत्तर पात्रता आवश्यक आहे. असिस्टंट पब्लिक प्रॉसिक्यूटर तसेच लडाखमधील कायदा अधिकाऱ्यांच्या पदांसाठी विधी पदवी आवश्यक असून, संबंधित पदानुसार 2 ते 3 वर्षांचा अनुभव किंवा वकिलीचा प्रत्यक्ष सराव आवश्यक आहे.

वयोमर्यादा किती?

2 ऑक्टोबर 2026 रोजी पदानुसार वयोमर्यादा निश्चित करण्यात आली आहे. अ‍ॅनाटॉमी आणि जनरल मेडिसिनसाठी कमाल वय 40 वर्षे, असिस्टंट एडिटरसाठी 30 वर्षे, अ‍ॅनेस्थेसिऑलॉजीसाठी 50 वर्षे, पेडियाट्रिक्ससाठी 45 वर्षे, असिस्टंट पब्लिक प्रॉसिक्यूटरसाठी 35 वर्षे आणि लडाखमधील कायदा अधिकाऱ्यांसाठी 40 वर्षे अशी वयोमर्यादा आहे.

अर्ज शुल्क

या भरतीसाठी General/OBC/EWS उमेदवारांना 25 रुपये शुल्क भरावे लागणार आहे. तर SC/ST/PwD आणि महिला उमेदवारांना कोणतेही शुल्क नाही.

अर्जाची अंतिम तारीख

इच्छुक आणि पात्र उमेदवारांना 2 ऑक्टोबर 2026 रोजी सायंकाळी 6 वाजेपर्यंत ऑनलाइन अर्ज करता येणार आहे. या भरतीसाठी नोकरीचे ठिकाण संपूर्ण भारत आहे. पात्र उमेदवारांनी अर्ज करण्यापूर्वी पदनिहाय शैक्षणिक पात्रता, अनुभव, वयोमर्यादा आणि इतर अटी काळजीपूर्वक तपासणे आवश्यक आहे.