गुड न्यूज ! बँक ऑफ बडोदामध्ये तब्बल 1100 पदांवर भरती

सरकारी बँकेत नोकरी मिळवण्याची तयारी करणाऱ्या तरुणांसाठी मोठी संधी उपलब्ध झाली आहे. बँक ऑफ बडोदाने विविध पदांसाठी तब्बल 1,100 जागांची भरती जाहीर केली आहे. या भरतीअंतर्गत वेल्थ एक्झिक्युटिव्ह आणि क्रेडिट अनालिस्ट पदांवर उमेदवारांची नियुक्ती करण्यात येणार आहे.

या भरतीसाठी ऑनलाइन अर्ज प्रक्रिया 4 सप्टेंबर 2026 पासून सुरू झाली असून इच्छुक उमेदवारांना 24 सप्टेंबर 2026 पर्यंत अर्ज करता येणार आहे. पात्र उमेदवारांनी अंतिम मुदतीची वाट न पाहता अर्ज करण्याचे आवाहन बँकेकडून करण्यात आले आहे.

कोणत्या पदासाठी किती जागा?

भरतीमध्ये वेल्थ एक्झिक्युटिव्ह पदाच्या 1,000 जागा, तर क्रेडिट अनालिस्ट पदाच्या 100 जागा भरण्यात येणार आहेत.

वेल्थ एक्झिक्युटिव्ह पदासाठी अर्ज करणाऱ्या उमेदवाराचे वय 22 ते 32 वर्षे असावे. तर क्रेडिट अनालिस्ट पदासाठी वयोमर्यादा 21 ते 33 वर्षे ठेवण्यात आली आहे.

शैक्षणिक पात्रता काय?

वेल्थ एक्झिक्युटिव्ह पदासाठी उमेदवार कोणत्याही मान्यताप्राप्त विद्यापीठातून पदवीधर असणे आवश्यक आहे. तसेच Insurance Institute of India चे IC-38 प्रमाणपत्र किंवा NISMचे संबंधित वैध प्रमाणपत्र असणे आवश्यक आहे. मॅनेजमेंट, फायनान्स, मार्केटिंग किंवा बँकिंगमधील उच्च शिक्षण घेतलेल्या उमेदवारांना प्राधान्य दिले जाणार आहे.

क्रेडिट अनालिस्ट पदासाठी उमेदवार पदवीधर असण्यासोबत चार्टर्ड अकाउंटंट (CA) असणे आवश्यक आहे. तसेच शेड्युल्ड कमर्शियल बँकेत किमान एक वर्षाचा बँकिंग अनुभव अपेक्षित आहे.

अर्जासाठी किती शुल्क?

खुला प्रवर्ग, EWS आणि OBC उमेदवारांसाठी अर्ज शुल्क 850 रुपये आहे. तर SC, ST आणि महिला उमेदवारांना 175 रुपये शुल्क भरावे लागेल.

ऑनलाइन अर्ज कसा कराल?

उमेदवारांनी बँक ऑफ बडोदाच्या अधिकृत वेबसाइटवर जाऊन Careers → Current Opportunities या विभागात संबंधित भरतीची लिंक उघडावी. त्यानंतर ऑनलाइन नोंदणी करून अर्जातील आवश्यक माहिती भरावी. फोटो, स्वाक्षरी आणि रिझ्युमे अपलोड केल्यानंतर ऑनलाइन शुल्क भरून अर्ज अंतिम स्वरूपात सबमिट करावा.

अर्जाची अंतिम तारीख : 24 सप्टेंबर 2026