जळगाव : गीत झंकार जळगाव निर्मित ‘मेलडी सुपर हिट्स ऑर्केस्ट्रा’च्या वतीने रसिक श्रोत्यांसाठी ‘संगीत सितारे’ या विशेष संगीत कार्यक्रमाचे आयोजन आज, रविवार, दि. २३ ऑगस्ट रोजी करण्यात आले आहे. ‘हिरक महोत्सवा’निमित्त आयोजित या कार्यक्रमात संगीत क्षेत्रातील दिवंगत गायक-गायिकांच्या अजरामर गीतांचा सुरेल नजराणा रसिकांना अनुभवता येणार आहे.
महाकवी कालिदास सभागृह, एम. जे. कॉलेज परिसर, जळगाव येथे सायंकाळी ६.३० वाजता हा कार्यक्रम होणार असून, कार्यक्रम सर्वांसाठी खुला आहे. जुन्या काळातील लोकप्रिय मेलडी गीतांसह रसिकांच्या आवडीच्या गाण्यांचे सादरीकरण या कार्यक्रमात करण्यात येणार आहे.
कार्यक्रमात मोहन तायडे, विजयकुमार कोसदे, कांचन कुमार तायडे, प्रा. यशवंत सैंदाणे, कपिल धुगे, सुनील कांबळे, संदीप सोनार, नितीन वाघ, हर्षल तिवारी आणि प्रवीण ओहोळ हे गायक सहभागी होणार आहेत. तसेच प्राजक्ता केदार, मीनाक्षी सुलक्षणे, विद्या भंगाळे, सरिता तायडे, सिमरन मिलवाणी, चेतना सोनवणे आणि संस्कृती धुगे या गायिका आपल्या सुरांनी रसिकांना मंत्रमुग्ध करणार आहेत.
संगीत क्षेत्रातील दिवंगत गायक-गायिकांच्या गाजलेल्या गीतांना नव्या पिढीतील गायक-गायिकांच्या आवाजातून पुन्हा अनुभवण्याची संधी या कार्यक्रमातून मिळणार आहे. जुन्या अजरामर गीतांच्या आठवणींना उजाळा देतानाच संगीतप्रेमींसाठी हा कार्यक्रम विशेष पर्वणी ठरणार आहे.
जळगावातील संगीतप्रेमी रसिकांनी मोठ्या संख्येने उपस्थित राहून या अनोख्या संगीत कार्यक्रमाचा आनंद घ्यावा, असे आवाहन आयोजकांकडून करण्यात आले आहे.
Discussion about this post