राज्यातील स्थानिक स्वराज्य संस्था मतदारसंघांमधून विधान परिषदेवर निवडून दिल्या जाणाऱ्या जागांसाठी अखेर भारतीय जनता पक्षाने (BJP) आपल्या ११ उमेदवारांची अधिकृत यादी जाहीर केली आहे. गेल्या अनेक दिवसांपासून सुरू असलेल्या मॅरेथॉन बैठका आणि चर्चेच्या फेऱ्यांनंतर आज रात्री दिल्लीतील भाजप हायकमांडने या नावांवर शिक्कामोर्तब केले. या यादीत जळगावमधून अपेक्षेप्रमाणे नंदकिशोर महाजन यांना उमेदवारी मिळाली असून, राज्यातील इतर जागांवर अनेक दिग्गज आणि धक्कादायक नावांना संधी देण्यात आली आहे. हे सर्व उमेदवार उद्या (सोमवारी) आपापले उमेदवारी अर्ज दाखल करणार आहेत.
दिल्लीतील बैठकीनंतर नावांची घोषणा; ४८ नावांतून ११ फायनल
विधान परिषद निवडणुकीसाठी भाजपकडून कोणाला संधी मिळणार, याबाबत राजकीय वर्तुळात उत्सुकता शिगेला पोहोचली होती. राज्यातील कोअर कमिटीच्या बैठकांमध्ये तब्बल ४८ संभाव्य नावांची यादी तयार करण्यात आली होती. भाजप प्रदेशाध्यक्ष रवींद्र चव्हाण यांनी ही यादी पक्षाचे राष्ट्रीय सरचिटणीस तथा महाराष्ट्र प्रभारी नितीन नबीन यांच्याकडे सोपवली होती. त्यानंतर आज दिल्लीत भाजप केंद्रीय निवडणूक समितीची महत्त्वाची बैठक पार पडली आणि रात्री उशिरा ११ उमेदवारांच्या नावांची अधिकृत घोषणा करण्यात आली.
भाजपचे 11 उमेदवार
वर्धा-चंद्रपूर-गडचिरोली – श्री अरुण लखानी
भंडारा-गोंदिया – श्री अविनाश ब्राह्मणकर
अमरावती – श्री प्रविण पोटे पाटील
सांगली-सातारा – श्री धैर्यशील कदम
सोलापूर – श्री राजेंद्र राऊत
अहिल्यानगर – श्री प्राजक्त तनपुरे
छत्रपती संभाजीनगर-जालना – श्री सुहास शिरसाट
नांदेड – श्री अमर राजूरकर
धाराशिव-लातूर-बीड – श्री बसवराज पाटील
जळगाव – श्री.नंदकिशोर महाजन
नागपूर – डॉ.राजीव पोतदार
Discussion about this post