जम्मू आणि काश्मीरचे माजी मुख्यमंत्री आणि नॅशनल कॉन्फरन्स (एनसी) चे संस्थापक फारुख अब्दुल्ला यांच्यावर गोळीबार करण्याचा प्रयत्न करण्यात आला. बुधवार, ११ मार्च रोजी फारुख अब्दुल्ला आणि जम्मू आणि काश्मीरचे उपमुख्यमंत्री सुरिंदर चौधरी यांच्या उपस्थितीत झालेल्या एका कार्यक्रमात ही गोळीबाराची घटना घडली. वृत्तानुसार, डॉ. फारुख अब्दुल्ला या गोळीबारातून थोडक्यात बचावलेत. त्यांना कोणतीही दुखापत झाली नाहीये. मात्र या घटनेमुळे परिसरात तणाव निर्माण झाला आहे.
फारूख अब्दुल्ला हे ग्रेटर कैलाश येथे एका वकीलाच्या लग्न समारंभात सहभागी होण्यासाठी गेले होते. त्यावेळी दबा धरून बसलेल्या आरोपीने त्यांच्यावर गोळीबार केला, दरम्यान आरोपीने हा हल्ला कोणत्या कारणामुळे केला याचे कारण अद्याप समोर आले नाहीये. दरम्यान जम्मू-काश्मीर पोलीस या आरोपीची कसून चौकशी करत आहेत. आरोपीचे नाव कमल सिंग जामवाल असल्याचे अधिकाऱ्यांनी सांगितले.
#WATCH | Jammu, J&K: An incident of firing occurred at a function where JKNC chief Farooq Abdullah and Deputy CM Surinder Choudhary were present. One person has been arrested. No injuries have been reported.
CCTV visuals showing the moment when the incident took place. pic.twitter.com/pnoD3f9fRJ
— ANI (@ANI) March 11, 2026
दरम्यान, जम्मू आणि काश्मीरचे मुख्यमंत्री आणि फारुख अब्दुल्ला यांचे पुत्र ओमर अब्दुल्ला यांनीही एक महत्त्वपूर्ण विधान जारी केले आहे. सोशल मीडिया प्लॅटफॉर्म एक्स वर पोस्ट करताना ओमर अब्दुल्ला यांनी लिहिले की, “देवाची कृपा आहे. माझे वडील थोडक्यात बचावले. एक माणूस भरलेल्या पिस्तूलसह अगदी जवळ आला आणि गोळीबार केला.”
गोळीबाराची घटनेवर प्रतिक्रिया देताना उपमुख्यमंत्री सुरिंदर चौधरी म्हणाले की, हे सुरक्षेतील चुकीमुळे घडलंय. “आम्ही सर्वजण एकत्र आहोत. मी, आमचे नेते फारुख अब्दुल्ला आणि नासिर एकत्र होतो.” सर्वजण सुरक्षित आहेत. अशी चूक कशी घडली याबद्दल पोलिसांना विचारालं पाहिजेत. ही घटना ग्रेटर कैलाशमधील रॉयल पार्कमध्ये घडली. तेथे स्थानिक पोलिस कर्मचारी उपस्थित नव्हते. ही एक गंभीर सुरक्षेची चूक आहे.
Discussion about this post