जळगाव । उत्तर महाराष्ट्र विद्यापीठ कर्मचाऱ्यांची सहकारी पतपेढी मर्यादित पतपेढीच्या संचालकांची मासिक सभा संपन्न झाली. सदर सभेत एकमताने पतपेढीच्या अध्यक्षपदी अरुण सपकाळे उपाध्यक्ष संजय ठाकरे तर सचिवपदी डॉ.अनिल लोहार यांची निवड करण्यात आली. उत्तर महाराष्ट्र विद्यापीठ कर्मचा-यांची सहकारी पतपेढीचे ३१ मार्च, २०२४ अखेर ३५१ सभासद असून पतपेढीचे भाग भांडवल दोन कोटी आठ लाख वीस हजार आठशे एवढे आहे. शासकीय लेखापरीक्षणामध्ये पतपेढीला सतत ‘अ’ दर्जा प्राप्त झालेला आहे.
सभासदाच्या मागणी नुसार त्वरीत कर्ज पुरवठा करण्यात येतो, यामध्ये वर्गणी आतील कर्ज, जामिनकी कर्ज, विशेष कर्ज, सण अग्रीम इ. मिळून जास्तीत जास्त एका सभासदास १५ लाखापर्यंत कर्ज उपलब्ध करून देण्यात येत असते. पतपेढीमार्फत सभासदांना १०% लाभांश वितरीत करण्यात आलेला आहे. पतपेढी मार्फत सभासदांसाठी विविध योजना राबवित असते यात प्रामुख्याने चार लाखांचा अपघात विमा, प्रत्येक सभासदास पतसंस्थेस झालेल्या लाभातून भेटवस्तू, २५ वर्षे पूर्ण झालेल्या सभासदाचा सत्कार, सभासद कर्जमुक्ती योजना, सेवेत असताना निधन झालेल्या सभासदांच्या वारसास मृत्युनिधी, सभासद गुणवंत पाल्यांचा गुणगौरव आदींचा समावेश आहे.
पतपेढीच्या मासिक सभेवेळी डॉ.महेंद्र महाजन, डॉ. सोमनाथ वडनेरे, डॉ. दिनेश लाड, राजू सोनवणे, दीपक गावित, जयश्री देशमुख, वैशाली शर्मा, विकास बिऱ्हाडे हे संचालक उपस्थित होते.
Discussion about this post