धरणगाव । धरणगाव तालुक्यात डॉ. हेडगेवार नगर ग्रामपंचायत हद्दीतील खाज्याजी नाईक मुलांच्या निवासी आश्रम शाळेत पंधराहून अधिक विद्यार्थ्यांना गोवरची लागण झाल्याची प्राथमिक माहिती समोर आली आलीय. यानंतर तातडीने सर्व संशयित रुग्ण विद्यार्थ्यांना आयसोलेट करून उपचार सुरू करण्यात आले. सर्व विद्यार्थ्यांवर सध्या उपचार सुरु आहेत.
या आश्रम शाळेत शाळेतील विद्यार्थ्यांना अचानक त्रास जाणवल्याने त्यांची धरणगाव ग्रामीण रुग्णालयात तपासणी करण्यात आली. यावेळी गोवरची लक्षणे आढळून आले. यानंतर आरोग्य विभागानेही युद्धपातळीवर तपासणी व प्रतिबंधात्मक उपाययोजना सुरू केल्या आहेत.
गोवरची लक्षणे दिसून आलेल्या सर्व रुग्ण विद्यार्थ्यांना आयसोलेट करून उपचार सुरू करण्यात आले. दरम्यान, विद्यार्थ्यांना काही दिवसापूर्वीच गोवरची लस देण्यात आली होती. लस दिल्यानंतर काही रुग्णांमध्ये लक्षणे दिसतात. हा तसाच प्रकार असून सर्व विद्यार्थ्यांची प्रकृती स्थिर असल्याची माहिती तालुका आरोग्य अधिकारी डॉक्टर संजय चव्हाण यांनी दिली आहे. तर संशयित विद्यार्थ्यांना आयसोलेट करून धरणगाव ग्रामीण रुग्णालयात उपचार सुरू आहेत.
Discussion about this post