ग्राहकांना दिलासा : सलग तिसऱ्या दिवशी सोन्याचा दर घसरला

मुंबई । गेल्या आठवड्यात सोन्याच्या किमतीने इतिहास रचला होता. सोने प्रति तोळा जीएसटीसह एक लाखापवर पोहोचले होते. यामुळे ग्राहकांना मोठा झटका बसला होता. यातच अक्षय्य तृतीया सण अगदी जवळ आला आहे. अक्षय्य तृतीयेच्या शुभ मुहूर्तावर अनेकजण सोन्याची खरेदी करतात. अशातच ग्राहकांना दिलासा देणारी बातमी आहे. आज सलग तिसऱ्या दिवशी सोन्याची किंमत कमी झाली आहे.

काल सोन्याचा भाव 99,000 रूपयांवर पोहोचला होता. तर आज बुलियन मार्केटमध्ये १० ग्रॅम सोन्याच्या किमतीत सलग तिसऱ्या दिवशी घसरण झालीये. सराफा बाजारात २२ कॅरेट सोन्याच्या भाव आज 90,000 आहे तर २४ कॅरेट सोन्याचा प्रति १० ग्रॅमसाठी भाव 98,200 च्या जवळ आहे. याशिवाय चांदी एक लाख रूपयांच्या वर आहे.

शुक्रवारी २५ एप्रिल रोजी चांदीच्या भावात घसरण झाली आहे. चांदीची किंमत आज 1,00,800 रूपये आहे. कालच्या किमतीच्या तुलनेत आज चांदीचा भाव १०० रूपयांनी कमी झाला आहे. त्यामुळे आजच्या दिवशी चांदीची खरेदी करणं तुम्हाला फायदेशीर होणार आहे.