उत्तर प्रदेशातील गोरखपुर येथेजेईई मेन २०२५ मध्ये कमी गुण मिळाल्याने निराश होऊन बारावीच्या एका विद्यार्थीनीने आत्महत्या केली. आदिती मिश्रा असं या विद्यार्थिनीचे नाव असून तिचा मृतदेह हा हॉस्टेल मध्ये तिच्या रूममध्ये पंख्याला लटकलेल्या अवस्थेत होता. यादरम्यान तिच्या खोलीत सुसाईड नोट देखील सापडली. यामुळे संपूर्ण हॉस्टेलमध्ये एकच खळबळ उडाली.
सुसाईड नोटमध्ये काय?
“आई-बाबा मला माफ करा. मी तुमची इच्छा पूर्ण करू शकले नाही. तुम्ही खूप चांगले आई-बाबा आहात,तुम्ही नेहमीच मला पाठिंबा दिला, माझ्यावर खूप प्रेम केलं. पण आता माझी वेळ संपली आहे. मी इथेच थांबते आहे. देवाने मला फक्त १८ वर्षासाठीच पाठवले होते अस चिठ्ठीमध्ये लिहीत या मुलीने गळफास लाऊन स्वतःचे जीवन संपवले.
आदिती गोरखपूरमधील मुलींच्या हॉस्टेलमध्ये खोली क्रमांक 86 मध्ये राहत होती. बराच वेळ खोली बंद असल्याने आणि आतून काहीही प्रतिसाद न मिळाल्याने तिच्या मैत्रिणींनी हॉस्टेल वॉर्डनला कळवले. पोलिसांच्या मदतीने दार उघडले असता, ती पांढऱ्या स्कार्फच्या सहाय्याने गळफास घेतलेल्या अवस्थेत सापडली. तसेच खोलीत सुसाईड नोट देखील सापडली. या घटनेने संपूर्ण हॅास्टेल हादरले होते.
दरम्यानं, दोन दिवसापूर्वी आदिती घरातून हॉस्टेलमध्ये गेली होती. बुधवारी सकाळीच तिचे वडिलांशी बोलनेही झाले आणि तिने मोबाईल फोनही रीचार्ज केला. तिला निकालात कमी गुण मिळाल्याने ती मानसिक तणावात होती. माझ्या निकालाबाबत कोणाला सांगू नका असा आदितीने वडिलांना सांगितले. तिच्या वडिलांनी तिला धीर देण्याचा बराच प्रयत्न केला. तसेच पुढच्या परीक्षेसाठी तिला परत जोमाने अभ्यास करण्याचा सल्ला देत प्रोत्साहित केले. पण आदिती ही इतके टोकाच निर्णय घेईल याची कल्पनाही आम्ही कधी नव्हती केली असं तिच्या वडिलांनी सांगितले.
Discussion about this post