जळगाव । शेकोडीत आठ महिन्याच्या चिमुकला पडून गंभीर भाजला गेला. दरम्यान त्याच्यावर जिल्हा शासकीय वैद्यकीय महाविद्यालयात उपचार सुरू असतांना मृत्यू झाला. देवांशु सुनिल सोनवणे वय ८ रा. नांद्रा खुर्द ता.जि.जळगाव असे मयत झालेल्या चिमुकल्याचे नाव असून या घटनेमुळे कुटुंबियाने एकच अक्रोश केला.
देवांशु ११ जानेवारी रोजी सायंकाळी शेकोटी लावण्यात आलेली होती, तेव्हा तो खेळत असताना अचानक शेकोटीत पडला. यामुळे तो गंभीरपणे भाजला गेला होता. त्याचे वडील सुनिल सोनवणे यांनी तातडीने त्याला जळगाव शासकीय वैद्यकीय महाविद्यालयात दाखल केले. यादरम्यान त्याच्यावर उपचार सुरु असताना त्याचा मृत्यू झाला.
या घटनेमुळे देवांशुच्या कुटुंबियांनी एकच आक्रोश केला होता. जळगाव तालुका पोलीस ठाण्यात अकस्मात मृत्यूची नोंद करण्यात आली आहे आणि पुढील तपास पोहेकॉ विलास शिंदे हे करीत आहेत.
Discussion about this post