बीडच्या मस्साजोग गावचे सरपंच संतोष देशमुख यांच्या हत्या प्रकरणातील ८ आरोपींवर मोक्का लावण्यात आला आहे. परंतू यातील मास्टर माईंड असा आरोप होत असणाऱ्या वाल्मिक कराडला मात्र वगळण्यात आल्याने ग्रमास्थ आक्रमक झालेत. वाल्मिक कराडवरही मोक्का लावा, आरोपींना फाशीची शिक्षा झाली पाहिजे या मागणीसाठी ग्रामस्थ आक्रमक झाले आहेत. यातच संतोष देशमुखांचे भाऊ धनंजय देशमुख यांनी गावातील पाण्याच्या टाकीवर चढून आंदोलन सुरू केले आहे.
मस्साजोगमधील ग्रामस्थ देखील दुसऱ्या पाण्याच्या टाकीवर चढले असून आरोपींना फाशी द्या अशी घोषणाबाजी करत आहेत. संतोष देशमुखांना आणि त्यांच्या कुटुंबीयांना न्याय मिळावा यासाठी ग्रामस्थ आक्रमक झाले आहेत. घटनास्थळी मराठा आंदोलक मनोज जरांगे पाटील हे देखील आले आहेत.
धनंजय देशमुख यांच्यासह पाण्याच्या टाकीवर ३ जण चढले आहेत. तर गावातील इतर तरुण हे दुसऱ्या पाण्याच्या टाकीवर चढले आहेत. धनंजय देशमुख त्यांचे साडू दादा खिंडकर आणि अन्य काही नातेवाईक या आंदोलनात सहभागी झाले आहेत. यावेळी धनंजय देशमुख यांना भोवळ आली. धनंजय देशमुखांनी पाण्याच्या टाकीवरून खाली यावे असे आवाहन मनोज जरांगेंनी केले. आंदोलन स्थळी पोलिस दाखल झाले आहेत. पोलीस अधीक्षक यांनी देखील धनंजय देशमुखांना खाली येण्याचे आवाहन केलं आहे.
Discussion about this post