रेल्वेमध्ये नोकरीचे स्वप्न पाहणाऱ्या तरुणांसाठी खुशखबर आहे. भारतीय रेल्वेमध्ये तब्बल ३२,४३८ पदांसाठी भरती जाहीर करण्यात आली आहे. रेल्वेमध्ये ग्रुप डी पदांसाठी भरती होणार आहे.
रेल्वेमधील ग्रुप डी पदांसाठी अर्जप्रक्रिया २३ जानेवारी २०२५ रोजी सुरु होणार आहे. या नोकरीसाठी अर्ज करण्याची शेवटची तारीख २२ फेब्रुवारी २०२५ असणार आहे. या नोकरीसाठी अर्ज करण्यासाठी तुम्हाला १ महिन्याचा कालावधी आहे. इच्छुक उमेदवारांनी मुदतीपूर्वी अर्ज करावेत. ()
रेल्वेची ही भरती विविध विभागांसाठी होणार आहे. पॉइंट्समॅन बी पदासाठी ५०५८ जागा रिक्त आहेत. असिस्टंट इंजिनियर पदासाठी ७९९ जागा रिक्त आहे. ट्रॅक मेनटेनतर पदासाठी १३१८७ जागा रिक्त आहेत. मेकिनल विभागातही विविध पदांसाठी भरती जाहीर करण्यात आली आहे. असिस्टंट, असिस्टंट लोको शेड पदासाठी भरती जाहीर करण्यात आली आहे. तसेच इलेक्ट्रिकल असिस्टंट पदासाठी १३८१ जागा रिक्त आहेत. या विभागातदेखील भरघोस जागा रिक्त आहेत. या भरती प्रक्रियेत ३२,४३८ जागा रिक्त आहेत. या नोकरीसाठी अर्ज करणाऱ्या उमेदवाराने १० वी पास असणे गरजेचे आहे. त्याचसोबत NCVT चे सर्टिफिकेट असणे गरजेचे आहे. १८ ते ३६ या वयोगटातील उमेदवार अर्ज करु शकतात. (Railway Recruitment)
या नोकरीसाठी अर्ज करताना सामान्य प्रवर्गातील उमेदवारांना ५०० रुपये फी भरायची आहे. राखीव प्रवर्गातील उमेदवारांना २५० रुपये अर्ज फी भरायची आहे.या नोकरीसाठी उमेदवारांची निवड कॉम्प्युटर बेस्ड टेस्टद्वारे होणार आहे. या परिक्षेत पास झाल्यानंतर कागदपत्र पडताळणी होणार आहे त्यानंतर मेडिकल टेस्ट केली जाणार आहे. या नोकरीसाठी तुम्हाला ऑनलाइन पद्धतीने अर्ज करायचा आहे. त्यासाठी फोटो, स्कॅन सही आणि आवश्यक कागदपत्र अपलोड करावा लागेल.
Discussion about this post