उद्धव ठाकरेंना आणखी एक मोठा झटका! राहुल कानल करणार शिंदे गटाच्या शिवसेनेत प्रवेश

मुंबई । शिवसेना (यूबीटी) नेते उद्धव ठाकरे यांचा त्रास कमी होण्याचे नाव घेत नाहीये. शिवसेनेतील बंडखोरीनंतर उद्धव ठाकरे गटातील अनेक नेत्यांनी शिंदे गटात प्रवेश केला आहे. आता या यादीत आणखी एका नावाची भर पडली आहे. उद्धव ठाकरे यांचे पुत्र आदित्य ठाकरे यांचे निकटवर्तीय राहुल कानल यांनी पक्ष सोडण्याची घोषणा केली आहे. 1 जुलै रोजी मुंबईत शिंदे सरकारच्या विरोधात भव्य मोर्चा काढण्यापूर्वी उद्धव ठाकरे यांच्यासाठी हा मोठा धक्का म्हणता येईल.

आदित्य ठाकरे यांचे निकटवर्तीय राहुल कनाल उद्या शिवसेनेत प्रवेश करणार आहेत. राहुल कनाल यांनी स्वतः ट्वीट करत पक्षावर नाराजी व्यक्त केली आहे. तसेच, पक्षाला जाहीर रित्या जय महाराष्ट्र करत असल्याचंही राहुल कनाल यांनी म्हटलं आहे. त्यांनतर युवासेनेनं कनाल यांच्या वांद्रे पश्चिम विभागातील पदाधिकाऱ्यांच्या पदांना स्थगिती दिली आहे.

एका वृत्त वाहिनीशी बोलताना राहुल कानाल म्हणाले की, उद्धव ठाकरे काही लोकांच्या इशाऱ्यावर आपला पक्ष चालवत आहेत. ते म्हणाले की, उद्धव ठाकरे काही लोकांच्या सांगण्यावरून निर्णय घेतात. ते म्हणाले की, मला गेल्या वर्षी आयकराच्या नोटिसा आल्या होत्या, त्यात मला क्लीन चिट मिळाली आहे. उद्या शनिवारी (1 जुलै) दुपारी 4 नंतर मी एकनाथ शिंदे यांच्या नेतृत्वाखालील शिवसेनेत प्रवेश करेन आणि त्यानंतर प्रसारमाध्यमांशी बोलणार असल्याचे त्यांनी सांगितले.