जळगाव शहरातील जुने जळगावातील खळवाडी परिसरात राहणाऱ्या १९ वर्षीय तरूणाने राहत्या घरात गळफास घेवून आत्महत्या केलीय. विजय काव्या पावरा (वय- १९, रा. खळवाडी, जुने जळगाव) असे मयत तरूणाचे नाव असून त्याच्या आत्महत्यामागील कारण अद्यापही कळू शकले नाहीय. याबाबत शनीपेठ पोलीस ठाण्यात अकस्मात मृत्यूची नोंद करण्यात आली आहे.
खळवाडी परिसरात विजय हा आई, वडील, मोठा भाऊ, पत्नी यांचेसह राहत होता. पत्नी चार ते पाच महिन्यांपासून माहेरी गेली आहे. त्यामुळे विजय हा घरी एकटाच होता. विजयने पंख्याला गळफास घेतला.शेजारी राहणारे वडील सकाळी त्याला बोलविण्यास गेले.
त्या वेळी मुलगा गळफास घेतलेल्या अवस्थेत दिसला. कुटुंबीयांनी याविषयी शनिपेठ पोलिसांना कळविले. पोलिसांनी तरुणाला शासकीय वैद्यकीय महाविद्यालय व रुग्णालयात दाखल केले. तेथे डॉक्टरांनी विजयला मयत घोषित केले. प्रसंगी कुटुंबीयांनी एकच आक्रोश केला. या प्रकरणी शनिपेठ पोलीस स्टेशनला अकस्मात मृत्यूची नोंद करण्यात आली आहे.
Discussion about this post