पुणे,। काही दिवसांपूर्वीच शरद पवार यांनी राष्ट्रवादी अजित पवार गटाला मोठा धक्का दिला होता. राष्ट्रवादीचे आमदार बाबाजानी दुर्राणी यांनी शरद पवार गटात प्रवेश केला. तर त्यानंतर आता शरद पवारांनी आणखी एका पक्षाला मोठा धक्का दिला आहे.
शरद पवारांनी सदाभाऊ खोत यांना मोठा धक्का दिला आहे. रयत क्रांती पक्षाचे प्रदेशाध्यक्ष भानुदास शिंदे यांनी राष्ट्रवादी शरद पवार गटत प्रवेश केला आहे. पुण्यातील मोदी बागेत शरद पवार यांच्या उपस्थितीमध्ये हा पक्षप्रवेश झाला.
हा रयत क्रांतीसाठी मोठा धक्का मानला जात आहे. भानुदास शिंदे हे गेल्या 25 वर्षांपासून शेतकरी चळवळीत काम करत असून, ऊस आंदोलन, दूध आंदोलन, कर्जमुक्ती आंदोलन अशा विविध आंदोलनात त्यांचा सक्रीय सहभाग आहे. तसेच ऊसदर नियंत्रण मंडळ सदस्य म्हणूनही त्यांनी काम केलं आहे.
दरम्यान त्यापूर्वी शरद पवार यांनी उपमुख्यमंत्री अजित पवार यांना देखील मोठा धक्का दिला आहे. राष्ट्रवादी अजित पवार गटाचे आमदार बाबाजानी दुर्राणी यांनी राष्ट्रवादी शरद पवार गटात प्रवेश केला. दुर्राणी यांच्या प्रवेशापूर्वी पिंपरी-चिंचवडमधील काही राष्ट्रवादीच्या माजी नगरसेवकांनी देखील शरद पवार गटात प्रवेश केला होता. त्यानंतर आता शरद पवार यांनी सदाभाऊ खोत यांना धक्का दिला आहे.
Discussion about this post