मुख्यमंत्री शिंदेंची मराठा समाजातील विद्यार्थ्यांना मोठी गुड न्यूज ; वाचा काय आहे

मुंबई । आगामी विधानसभा निवडणुका तोंडावर आली असता यातच मराठा समाजाला सरसकट आरक्षण देण्याच्या मागणीसाठी मनोज जरांगे पाटील पुन्हा एकदा अंतरवाली सराटी येथे उपोषणाला बसले आहेत. यामुळे महायुती सरकारकडून हालचालींना वेग आला आहे. दरम्यान, मुख्यमंत्री एकनाथ शिंदे यांनी मराठा समाजातील विद्यार्थ्यांना मोठी गुड न्यूज दिली आहे.

मुख्यमंत्री एकनाथ शिंदे यांनी विद्यार्थ्यांना दिलासा देणारा मोठा निर्णय घेतला आहे. 2024 -25 मध्ये अभियांत्रिकी, वैद्यकीय आणि इतर व्यावसायिक अभ्यासक्रमांना विविध शैक्षणिक संस्थांमध्ये प्रवेश घेतलेल्या विद्यार्थांना जात वैधता प्रमाणपत्र सादर करण्यासाठी अर्ज केल्याच्या दिनांकापासून 6 महिन्याच्या कालावधीपर्यंत मुदत देण्याचा निर्णय घेतला आहे. त्यामुळे आता विशेषत: मराठा समाजाच्या विद्यार्थ्यांना प्रमाणपत्र मिळण्यात येणाऱ्या अडचणीही दूर होतील

उच्च शिक्षणाकरता तसच व्यावसायिक शिक्षण बाबतीत मुख्यमंत्री एकनाथ शिंदे यांनी घेतला मोठा निर्णय
2024-25 या वर्षाकरता जात वाझेचा प्रमाणपत्र सादर करण्याची अट सरकारने वाढवली
अर्ज केल्यापासून सहा महिन्यापर्यंय जात वैधता प्रमाणपत्र सादर करण्याची मुभा विद्यार्थ्यांना देण्यात आलीये
मुख्यमंत्री एकनाथ शिंदे यांच्या या निर्णयामुळे कुणबी प्रमाणपत्र सादर करण्यास मराठा समाजातील विद्यार्थ्यांना 6 महिन्यांचा कालावधी मिळणार
मनोज जरांगे पाटील यांच्या मागण्यांपैकी ही देखील एक मागणी होती