नाशिक । नाशिकमधील एका बड्या सराफा व्यावसायिकाच्या दुकानावर व डेव्हलपर्सच्या कार्यालयात आयकर विभागाने छापा टाकून सलग ३० तास झाडाझडती घेतली. यात सुमारे २६ कोटी रुपयांची रोकड तसेच ९० कोटींच्या बेहिशेबी मालमत्तेचे दस्तावेज जप्त करण्यात आले. नाशिक, नागपूर, जळगावच्या पथकाने ही कारवाई केली. ५० ते ५५ अधिकाऱ्यांनी सुराणा ज्वेलर्स यांची पेढी तसेच त्यांच्या रिअल इस्टेट व्यवसायाच्या कार्यालयात छापासत्र सुरू केले. त्याचवेळी त्यांच्या राका कॉलनी येथील आलिशान बंगल्यात देखील स्वतंत्र पथकाने तपासणी सुरू केली. शहरात वेगवेगळ्या ठिकाणी असलेले त्यांचे कार्यालय, खासगी लॉकर्स व बँकांमधील लॉकर्सही तपासण्यात आले. मनमाड व नांदगाव येथील त्यांच्या कुटुंबातील सदस्यांच्या घरीही तपासणी केली
सात कारमधून रोकड मोजणीला
कापडी पिशव्या, ट्रॅव्हलर्स बॅग, ट्रॉली बॅग्जमध्ये भरलेली रोकड ७ कारमधून मोजणीसाठी सीबीएसजवळील स्टेट बँकेच्या कार्यालयात आणण्यात आली. शनिवारी रात्री ११.३० वाजता नोटांची मोजणी पूर्ण झाल्यानंतर अन्वषेणच्या वरिष्ठ अधिकाऱ्यांनी रोकड ताब्यात घेतली
फर्निचर फोडले, प्लायवूडच्या आत नोटा
छाप्यात सुरूवातीला कार्यालयांमध्ये तसेच खासगी वॉल्टच्या लॉकर्समध्ये रोकड हाती लागली. मात्र, आणखी रकमेचा शोध सुरू होता. याचवेळी संबंधिताच्या अलिशान बंगल्यात पथकाने तपासणी केली. विविध खोल्यांच्या आतील लॉकर्समध्येही काही आढळून आले नाही. मात्र, अधिकाऱ्यांना संशय आल्यावर त्यांनी फर्निचर ठोकून बघितले. फर्निचरचे प्लायवूड काढल्यावर आतील कप्यात नोटांच्या थण्या भिंतीप्रमाणे रचलेल्या दिसून आल्या
Discussion about this post