मुंबई । सध्या राज्यासह देशभरात लोकसभा निवडणुकीची रणधुमाळी सुरु असून यादरम्यान आरोप प्रत्यारोपाच्या फेऱ्या झाल्या जात आहे. याच दरम्यान, पंतप्रधान नरेंद्र मोदी यांच्यावर टीका करताना ठाकरे गटाचे नेते खासदार संजय राऊत यांची जीभ घसरली आहेत. मा. हिंदुहृदयसम्राट बाळासाहेब ठाकरे आणि माँसाहेबांबद्दल मोदींनी दळभद्री वक्तव्य केलं, तो संपूर्ण महाराष्ट्राचा अपमान आहे, अशा शब्दांत संजय राऊत यांनी त्यांच्यावर निशाणा साधला. ठाकऱ्यांना नकली संतान म्हणणारेच औरंगजेबाचे संतान अशी टीकाही त्यांनी केली.
पंतप्रधान मोदींनी एका सभेत उद्धव ठाकरे यांच्यावर हल्लाबोल केला. शिवसेनेला नकली म्हटले आहे. त्यांच्या या वक्तव्यावर बोलताना संजय राऊतांनी संताप व्यक्त केला. उद्धव ठाकरेंना कोणी नकली संतान म्हणत असेल तर तो महाराष्ट्राचा अपमान आहे. मा. हिंदुहृदयसम्राट बाळासाहेब ठाकरे आणि मीनाताई ठाकरे यांना संपूर्ण राज्य मानायचं, लोकं त्यांची पूजा करतात. मात्र मोदी हे विसरले आहेत. त्यांच्या डोक्यात काही गडबड झालीये असं वाटतंय. मा. बाळासाहेब आणि माँसाहेब यांच्या मुलाबद्दल असं विधान करणं, शिवसेनेला नकली म्हणणं हा राज्याचा अपमान आहे.
तुमची एवढी हिंमत? त्यांना तुम्ही नकली म्हणता ? कोणी बाळासाहेब ठाकरे आणि मीनाताई ठाकरे यांचा अपमान करत असेल तर महाराष्ट्र हे सहन करणार नाही. तुम्ही तुमच्या संतानाबद्दल ( मुलांबद्दल ) बोला की… तुम्ही उद्धव ठाकरेंबद्दल असं विधान करत असाल तर तुम्हीच औरंगजेबाचे वंशज आहात, त्याचे संतान आहात अशी घणाघाती टीका संजय राऊत यांनी केली. जे महाराष्ट्रावर चालून येतील त्यांना आम्ही गाडू, असा इशाराही त्यांनी दिला.
Discussion about this post