जळगाव : सध्याच्या काळात जबरी चोरीच्या घटना वाढताना दिसत असून अशात जळगावमधून एक धक्कादायक घटना समोर आली. जळगावमधील एकाला शेअर बाजारात गुंतवणूक करत पैसा कमावण्याच्या नाद लागला होता. यात पैसे बुडाल्याने डोक्यावर कर्ज झाल्याने नोकराने मालकालाच लुटण्याचा प्रयत्न केला. या प्रकरणी नोकराविरुद्ध एमआयडीसी पोलिसांनी गुन्हा दाखल करुन अटक केली आहे.
जळगाव शहरातील नेहरुनगरात ओम गोपाल चुघरा हे चहा पावडर व्यापारी २६ मार्चला रात्री साडेनऊच्या सुमारास नेहरुनगरातुन जात असताना ओम चुघरा यांची दुचाकी त्यांच्याकडे कामाला असलेल्या संशयित गौरव खुशाल जयस्वाल (वय २०) याने अडविली. यानंतर चाकूचा धाक दाखवत पैशांची बॅग हिसकावण्याचा प्रयत्न केला. मात्र हा प्रयत्न अपयशी ठरला. यानंतर सदर व्यापाऱ्याने पोलिसात धाव घेत तक्रार दिली.
याप्रकरणी एमआयडीसी पोलिस ठाण्यात गुन्हा दाखल करण्यात आला. गुन्हा दाखल झाल्यानंतर एमआयडीसी पोलिसांनी संशयित आरोपी गौरव जयस्वाल याला नाथवाडा परिसरातून अटक केली. त्याच्यावर एमआयडीसी पोलिसात गुन्हा दाखल करण्यात आला.
Discussion about this post