जळगाव । जळगावमार्गे पुण्याला रेल्वेनं प्रवास करणारी प्रवाशांसाठी अत्यंत महत्वाची बातमी आहे. पुणे रेल्वे विभागातील अकोलनेर-अहिल्यानगर-निंबलक स्थानकांदरम्यान प्री-नॉन इंटरलॉकिंग आणि नॉन-इंटरलॉकिंग कामांसाठी विशेष मेगा ट्रॅफिक आणि पॉवर ब्लॉक घेण्यात येणार आहे. या कामाचा थेट फटका जळगाव व भुसावळमार्गे पुणे, नागपूर आणि उत्तर भारताकडे जाणाऱ्या प्रवाशांना बसणार असून, अनेक महत्त्वाच्या गाड्या तात्पुरत्या रद्द करण्यात आल्या आहे.
रेल्वे प्रशासनाकडून दुहेरीकरणाचे काम युद्धपातळीवर सुरू असून, भविष्यात यामुळे रेल्वे वाहतूक अधिक वेगवान व सुरक्षित होणार आहे; मात्र १४ ते १९ मे दरम्यान पुणे, नागपूर, गोरखपूर, दानापूर, झाँसी व जबलपूर मार्गावरील प्रवाशांना गैरसोयीचा सामना करावा लागणार आहे. काही गाड्यांच्या मार्गातही बदल करण्यात आल्याचे प्रशासनाने स्पष्ट केले आहे.
या गाड्या रद्द
गाडी क्रमांक १२११४ नागपूर-पुणे गरीबरथ एक्स्प्रेस ही १५, १६, १७ मे रोजी नागपूर येथून, १२११३ पुणे-नागपूर गरीबरथ एक्स्प्रेस ही १६, १७१८ मे रोजी पुणे येथून, ०१४१५ पुणे-गोरखपूर विशेष १४ ते १८ मे दरम्यान पुणे येथून, ०९४१६ गोरखपूर हडपसर विशेष ही १५ ते १९ मे दरम्यान गोरखपूर येथून, ०१४४९ पुणे-दानापूर विशेष १६ व १७ मे रोज पुणे येथून, ०९४५० दानापूर-हडपसर विशेष १६, १७ मे रोजी दानापूर येथून, १२१३६ नागपूर-पुणे एक्स्प्रेस विशेष १६ मे रोजी नागपूर येथून, १२१३५ पुणे-नागपूर एक्स्प्रेस १७ मे रोजी पुणे येथून, ०९९२४ वीरांगना लक्ष्मीबाई झाँसी-हडपसर विशेष १६ मे रोजी झाँसी येथून, ०९९२३ हडपसर-वीरांगना लक्ष्मीबाई झाँसी विशेष ही १७ मे रोजी हडपसर येथून, ०२१३२ जबलपूर-पुणे विशेष ही १७ मे रोजी जबलपूर येथून, ०२१३१ पुणे-जबलपूर विशेष ही १८ मे रोजी पुणे येथून रद्द राहील.
Discussion about this post