जळगाव । जळगावहुन पुण्याला नोकरी, शिक्षण, व्यवसायानिमित्त जा-ये करणाऱ्या रेल्वे प्रवाशांसाठी खुशखबर आहे. रेल्वे प्रशासनाने दिवाळी आणि छठ पूजेनिमित्त विशेष रेल्वे चालवण्याचा निर्णय घेतला आहे. या रेल्वेंना जळगाव, भुसावळ थांबा आहे.
गाडी क्रमांक ०१४३१ पुणे-गाजीपुर सिटी ही रेल्वे २६ सप्टेंबर ते २८ नोव्हेंबर दरम्यान प्रत्येक शुक्रवारी व मंगळवारी पुणे येथून सकाळी ६.४० वाजता सुटेल, तर जळगावला दुपारी ३.२३ वाजता पोहोचेल. ०१४३२ गाजीपुर सिटी-पुणे विशेष गाडी २७ सप्टेंबर ते २९ नोव्हेंबर या कालावधीत प्रत्येक शनिवारी व बुधवारी गाजीपुर सिटीवरून रात्री १०.४० वाजता सुटेल आणि भुसावळला तिसऱ्या दिवशी सकाळी ६.२० वाजता, जळगावला ६.५० वाजता तर दुपारी ४.२० वाजता पुणे येथे पोहोचेल.
गाडी क्रमांक ०१४८१ पुणे-दाणापूर विशेष रेल्वे गाडी २६ सप्टेंबर ते १ डिसेंबर या कालावधीत प्रत्येक सोमवारी व शुक्रवारी पुणे येथून रात्री ७.५५ वाजता सुटेल तर दुसऱ्या दिवशी सकाळी ५.२८ वाजता जळगावला पोहोचेल. ०१४८२ दाणापूर-पुणे विशेष गाडी २८ सप्टेंबर ते तीन डिसेंबर या कालावधीत प्रत्येक बुधवारी व रविवारी दानापूर येथून दुपारी १२.३० वाजता सुटेल तर दुसऱ्या दिवशी दुपारी ३.४५ वाजता जळगावात व रात्री ११.५५ वाजता पुणे येथे पोहोचेल. ०१२०१ नागपूर हडपसर २९ सप्टेंबर ते २७ नोव्हेंबर या कालावधीत प्रत्येक सोमवारी व गुरुवारी नागपूर येथून रात्री ७.४० वाजता सुटेल व पहाटे २.४५ वाजता जळगावात थांबा घेईल.
Discussion about this post