जळगाव । जळगाव शहरातील संगीत रसिकांसाठी गोहिल्स जे. के. कराओके, जळगाव तर्फे ‘सुरमयी शाम’ या सदाबहार हिंदी गाण्यांच्या कार्यक्रमाचे आयोजन करण्यात आले आहे. गुरुवार दिनांक २८ मे २०२६ रोजी सायंकाळी ६.१५ ते रात्री १० वाजेपर्यंत रोटरी हॉल, मायादेवी नगर, महाबळ कॉलनी येथे हा संगीत सोहळा रंगणार आहे.
या कार्यक्रमामध्ये हिंदी चित्रपटसृष्टीतील लोकप्रिय आणि सदाबहार गीतांची मैफल सादर केली जाणार असून, संगीतप्रेमींना सुरेल गाण्यांचा आनंद घेण्याची संधी मिळणार आहे. गोहिल्स जे. के. कराओके ग्रुपकडून दरवर्षी विविध सांगीतिक कार्यक्रमांचे आयोजन केले जाते.
कार्यक्रमात स्थानिक गायक-गायिका आपल्या आवाजातून जुनी आणि लोकप्रिय हिंदी गाणी सादर करणार आहेत. त्यामुळे जळगावातील संगीत रसिकांमध्ये या कार्यक्रमाबाबत उत्सुकता निर्माण झाली आहे.
सदर कार्यक्रमात जितेंद्र गोहिल, कु. केतकी गोहिल, प्रा. रफीक शेख, राजेश बगे, इंजि. तेजू पाटील, कु. सिध्दी बगे, दिपक गोहिल आणि चंद्रशेखर चोपडेकर इत्यादि गायक मंडळी आपली गीते सादर करणार असून, कार्यक्रमाचे सुत्रसंचालन सौ. प्राजक्ता जितेंद्र गोहिल आणि श्री. प्रकाश लोढते हे करणार आहेत. तरी सर्व रसिक श्रोत्यांनी उपस्थित राहून, संगीत मेजवानीचा लाभ घ्यावा, असे गोहिल्स जे. के. कराओके ग्रुपचे संचालक जितेंद्र एन. गोहिल यांचेतर्फे आवाहन करण्यात आले आहे
Discussion about this post