जर तुम्ही सरकारी नोकरीच्या शोधात असाल तर तुमच्यासाठी आनंदाची बातमी आहे. भारतीय रेल्वेने गैर-तांत्रिक लोकप्रिय श्रेणी (NTPC Graduate) अंतर्गत भरती प्रोसेस राबवण्यात येत आहे. या भरतीसाठी पदवीधर उमेदवार अर्ज करू शकतात. या भरतीसाठी अर्ज करण्याची प्रक्रिया सुरु झाली असून पात्र आणि इच्छुक उमेदवार ६ नोव्हेंबर २०२६ पर्यंत ऑनलाईन पद्धतीने अर्ज करू शकतात.
रेल्वेच्या या भरतीमध्ये एकूण चार प्रकारच्या पदांचा समावेश आहे. त्यामध्ये मालगाडी व्यवस्थापक पदासाठी सर्वात जास्त २७५० रिक्त जागा आहेत. वरिष्ठ लिपिक, टंकलेखक (Typist ) पदासाठी ३७१, कनिष्ठ लेखा सहाय्यक म्हणजेच टंकलेखक पदासाठी ३००, तर मुख्य वाणिज्यिक (Chief Commercial Officer) म्हणजे तिकीट पर्यवेक्षक पदासाठी १२७ जागा आहेत.
पगार किती मिळणार?
निवड झाली की, उमेदवारांना सातव्या वेतन आयोगानुसार पगार मिळेल. मुख्य वाणिज्यिक पदासाठी पगार स्तर ६ नुसार दरमहा ३५,४०० रुपये बेसिक सॅलरी असेल. तर मालगाडी व्यवस्थापक, वरिष्ठ लिपिक Typist आणि कनिष्ठ लेखा सहाय्यक Typist या पदांसाठी सॅलरी स्तर ५ नुसार दरमहा २९,२०० रुपये बेसिक सॅलरी असेल. याव्यतिरिक्त नियमानुसार लागू भत्ते मिळू शकतात.
शैक्षणिक पात्रता
रेल्वेच्या भरतीसाठी उमेदवार मान्यताप्त विद्यापीठाचा पदवीधर असणं आवश्यक आहे. अधिसूचनेनुसार १ जानेवारी २०२७ रोजी उमेदवारांचं वय १८ ते ३३ वर्षे हवे. तर यासाठी ऑनलाइन अर्ज करायचा आहे. ८ ऑक्टोबर २०२६ पासून सुरू झाली आहे. उमेदवारांना ६ नोव्हेंबर २०२६ रोजी रात्री ११.५९ वाजेपर्यंत अर्ज करता येईल.
परीक्षा शुल्क भरण्याची शेवटची तारीख ८ नोव्हेंबर असून, अर्जामध्ये दुरुस्ती करण्यासाठी ९ ते १८ नोव्हेंबरदरम्यान मुदत दिली जाईल. इच्छुक उमेदवारांनी अर्ज करण्यापूर्वी सविस्तर अधिसूचना आणि पदनिहाय पात्रता तपासावी. अधिकृत माहितीसाठी RRB वेबसाइट(https://rrb.indianrailways.gov.in) किंवा [ऑनलाइन अर्ज पोर्टल](https://www.rrbapply.gov.in) ला भेट द्यावी.
Discussion about this post