महाराष्ट्रातील आश्रम शाळांमध्ये मेगाभरती! जाणून घ्या पात्रता आणि अर्जप्रक्रिया

महाराष्ट्रातील आदिवासी विकास विभागाने मोठी भरती प्रक्रिया जाहीर केली आहे. या मेगाभरतीमध्ये एकूण 661 पदांचा समावेश आहे. कला शिक्षक, क्रीडा शिक्षक आणि संगणक शिक्षक या तीन विभागांत ही भरती होणार असून ही पदे महाराष्ट्रातील सर्व जिल्ह्यांतील शासकीय आश्रम शाळांसाठी राखीव आहेत.

कंत्राटी पद्धतीने होणाऱ्या या नियुक्त्या पुढील शैक्षणिक वर्षासाठी अत्यंत निर्णायक ठरणार आहेत. इच्छुक उमेदवार 15 नोव्हेंबर 2025 पासून अर्ज करू शकतात. अर्ज करण्याची अंतिम तारीख 24 नोव्हेंबर 2025 आहे.

कोणत्या पदासाठी किती पगार?
या भरतीत पदनिहाय मानधन ठरवण्यात आले आहे. कला शिक्षकांना 20,000 रुपये, क्रीडा शिक्षकांना 25,000 रुपये आणि संगणक शिक्षकांना 20,000 रुपये इतके एकत्रित मासिक मानधन मिळणार आहे. ही रक्कम कंत्राटी तत्त्वावर देण्यात येणार असून कामगिरीनुसार पुढील नूतनीकरणाची शक्यता राहणार आहे.

कला शिक्षकांसाठी आवश्यक पात्रता
कला शिक्षक पदासाठी अर्ज करणाऱ्या उमेदवारांकडे ATD (Art Teacher Diploma) असणे आवश्यक आहे. तसेच MA किंवा B.FA असलेल्या उमेदवारांना देखील संधी आहे. याशिवाय नृत्य, संगीत किंवा गायन या क्षेत्रातील पदवीधारकांनाही या भरतीत सहभागी होता येणार आहे.

क्रीडा शिक्षकांसाठी विशेष प्राधान्य
क्रीडा शिक्षक पदासाठी उत्कृष्ट खेळाडू, माजी सैनिक, स्वेच्छा निवृत्ती घेतलेले पोलीस अधिकारी/कर्मचारी यांना प्राधान्य देण्यात येणार आहे. तसेच NIS, B.P.Ed किंवा M.P.Ed असलेले उमेदवारही पात्र ठरतील. अर्जदाराने शारीरिक तंदुरुस्तीबरोबरच किमान विद्यापीठ स्तरावर कोणत्याही मैदानी खेळात प्रतिनिधित्व केलेले असणे आवश्यक आहे.

संगणक शिक्षकांसाठी शैक्षणिक निकष
संगणक शिक्षक पदासाठी B.Sc. (CS/IT), B.C.A, B.E. (Computer), B.Tech. Computer अशा तांत्रिक पदव्या आवश्यक आहेत. याशिवाय MCA किंवा M.Sc. (Computer/IT) पदवीधारक आणि अनुभवी उमेदवारांनाही भरती प्रक्रियेत प्राधान्य मिळणार आहे. या भरतीमुळे आश्रमशाळांमधील डिजिटल शिक्षणाला नवी गती मिळेल अशी अपेक्षा आहे.

अर्ज प्रक्रिया पूर्णपणे ऑनलाइन
इच्छुक उमेदवारांनी आपला अर्ज, शैक्षणिक कागदपत्रे आणि अनुभवाची माहिती एकत्रित करून PDF फाईल तयार करावी. ही फाईल जाहिरात प्रसिद्ध झाल्यापासून 10 दिवसांच्या आत unisec.tdd@gmail.com या पत्त्यावर ई-मेलद्वारे पाठवावी. अर्जात इच्छित तालुका/जिल्हा आणि पद स्पष्ट उल्लेखणे अत्यावश्यक आहे.

अधिक माहितीसाठी उपलब्ध संपर्क क्रमांक
भरती प्रक्रिये विषयी अधिक माहिती हवी असल्यास उमेदवारांनी 8956407302 किंवा 9096777194 या क्रमांकांवर सकाळी 10 ते संध्याकाळी 6 दरम्यान संपर्क साधू शकतात. विभागाकडून वेळोवेळी जारी होणाऱ्या सुचनांचे पालन करणे उमेदवारांसाठी उपयुक्त ठरणार आहे.